ప్రద్మశ్రీ గ్రహీతకు ఏమిటీ ఖర్మ!

April 29, 2022

ప్రద్మశ్రీ గ్రహీతకు ఏమిటీ ఖర్మ!

Padma Sri Awardee: భారత పద్మశ్రీ గ్రహీతకు మోదీ ప్రభుత్వ హయాంలో అనుకోని దుస్థితి ఎదురైంది. ప్రభుత్వ వసతి గృహంలో ఉంటున్న 90 ఏళ్ల ఒడిస్సీ నృత్యకారుడు పద్మశ్రీ అవార్డు గ్రహీతను కేంద్ర ప్రభుత్వం తన ఇంటి నుంచి బలవంతంగా ఖాళీ చేయించడంతో ఆ కుటుంబం అనూహ్యమైన రీతిలో నడిరోడ్డుపై నిలబడిరది. అ అమానవీయ ఘటన కన్నీళ్లు తెప్పిస్తున్నది. ప్రముఖ నృత్యకారుడు గురు మయుధర్‌ రౌత్‌ గత కొన్నేళ్లుగా ఢల్లీిలోని ఏషియన్‌ గేమ్స్‌ విలేజ్‌లో ప్రభుత్వం కేటాయించిన వసతి గృహంలో ఉంటున్నారు. ఆయనతోపాటు పలువురు ప్రముఖ కళాకారులు సైదÊ ప్రభుత్వ వసతి గృహాల్లో ఉంటున్నారు. అయితే వీరికి కేటాయించిన వసతుల్ని 2014లో రద్దు చేశారు. దీనిపై కేంద్ర ప్రభుత్వం నోటీసులు జారీ చేయగా, ఈ కళాకారులంతా కోర్టును ఆశ్రయించారు. అయితే వీరు కోర్టును ఆశ్రయించినప్పటికీ ఫలితం లేకపోయింది. కేసు ఓడిపోయింది. ఇక చేసేదేమీ లేక చాలామంది కళాకారులు బంగళాలను ఖాళీ చేసి వెళ్లిపోయారు. మిగిలిన వారిని ఏప్రిల్‌ 25లోగా ఖాళీ చేయాలని అధికారులు ఆదేశించారు. అయితే మయుధర్‌ రౌత్‌ తాను ఉంటున్న బంగళాను ఖాళీ చేయకపోవడంతో అధికారులు వచ్చి బలవంతంగా ఖాళీ చేయించారు. ఇంట్లోని సామానంతా రోడ్డున పడేశారు. ఆఖరికి పద్మశ్రీ పురస్కార పత్రం కూడా రోడ్డుపైనే పడవేశారు. ఇలా అతని సామాన్లను రోడ్డుపై కనిపించిన దృశ్యాలు వైరల్‌ అయ్యాయి. దీంతో కేంద్రంపై పెద్ద ఎత్తున విమర్శలు వ్యక్తమయ్యాయి. వారిని ఖాళీ చేయించాలన్న ఆర్డర్‌ వుండివుండవచ్చు. కానీ ఈ విషయంలో ప్రభుత్వం వ్యవహరించిన తీరు బాధాకరంగా వుందని విమర్శలు విన్పిస్తున్నాయి. కేంద్ర ప్రభుత్వ తీరుపై మయుధర్‌ కుమార్తె మధుమితా రౌత్‌ తీవ్ర ఆగ్రహం వ్యక్తం చేశారు. ఇప్పుడాయన బ్యాంక్‌ ఖాతాలో కేవలం 3,000 రూపాయలు మాత్రమే వున్నాయని, ఆయన పరిస్థితి ఎలా వుంటుందో అర్ధం కావడం లేదని ఆమె ఆందోళన వ్యక్తం చేశారు. తన నాట్యంతో ఎన్నో సేవలందించిన మా నాన్నకి ఇలాంటి అవమానం జరగడం బాధాకరమని ఆమె వ్యాఖ్యానించారు. నిజానికి ప్రభుత్వ వసతి గృహాల్లో ఉన్న 8 మంది కళాకారులకు ఇల్లు ఖాళీ చేయడానికి వారికి మే 2 వరకు గడువు ఇచ్చినట్లు కేంద్ర గృహనిర్మాణ, పట్టణ వ్యవహారాల శాఖ సీనియర్‌ అధికారి ఒకరు తెలిపారు. అలాంటప్పుడు ఆ సమయం వరకు ఆగకుండా ఇలా ఒక గొప్ప వ్యక్తిని రోడ్డున పడేయడం ఎంత వరకు సబబు అని విమర్శలు విన్పిస్తున్నాయి. (Story: ప్రద్మశ్రీ గ్రహీతకు ఏమిటీ ఖర్మ!)