మట్టి మాఫియా ఆగడాలు : ఆర్‌ఐపై హత్యాయత్నం (వీడియో వైర‌ల్‌)

April 22, 2022

మట్టి మాఫియా ఆగడాలు : ఆర్‌ఐపై హత్యాయత్నం వీడియో వైర‌ల్‌

Matti Mafia: మట్టిమాఫియా జోలికి ఎవరు వెళ్లినా వారు ఖతం కావాల్సిందే. ఏపీలో మట్టిమాఫియా ఆగడాలు రోజురోజుకీ మితిమీరిపోతున్నాయని విమర్శలు విన్పిస్తున్నాయి. తాజాగా కృష్ణాజిల్లా గుడివాడ మండలంలో విధులు నిర్వహిస్తున్న ప్రభుత్వ అధికారి ఆర్‌ఐపై మట్టిమాఫియా మనుషులు హత్యాయత్నానికి పాల్పడ్డారు. దీనికి సంబంధించిన వీడియో సోషల్‌మీడియాలో వైరల్‌ అయింది. అధికారిపై దాడికి పాల్పడినవారు అధికార వైసీపీకి చెందిన గూండాలుగా ఆరోపణలు విన్పిస్తున్నాయి. మట్టి తవ్వకాలను అడ్డుకున్నందుకే ఆర్‌ఐపై జేసీబీతో దాడి చేశారు. గుడివాడ మండలం మోటూరులో ఈ హత్యాయత్నం జరిగింది. వైసీపీ వర్గీయులుగా అనుమానిస్తున్న కొందరు వ్యక్తులు కొన్ని రోజులుగా రాత్రి వేళ మట్టి తవ్వకాలు చేస్తున్నారు. అడ్డుకుంటున్న అధికారులపై బెదిరింపులకు దిగుతున్నారు. తమకు అనుకూలంగా వున్నవారికి లంచాలతో చల్లబరుస్తున్నారు. ఎదిరించిన అధికారులపై బెదిరింపులకు పాల్పడుతున్నారు. కాదనుకుంటే, దాడులు కూడా చేస్తున్నారు. ఈ మధ్యకాలంలో అక్రమ మట్టి తవ్వకాలను రెవెన్యూ అధికారులు అడ్డుకుంటున్నట్లుగా తెలిసింది. ఈ తరహాలోనే గురువారం రాత్రి గుడివాడ మండలం మోటూరులో అక్రమ మట్టితవ్వకాలను రెవిన్యూ ఇన్‌స్పెక్టర్‌ (ఆర్‌ఐ) అరవింద్‌ అడ్డుకున్నారు. దీంతో వైసీపీ గూండాలకు అనుమానిస్తున్న కొందరు వ్యక్తులు మూకుమ్మడిగా ఆయనపై దాడికి దిగి, చంపేయడానికి ప్రయత్నించారు. అయితే ఆయన తృటిలో ప్రాణాలతో తప్పించుకున్నారు. దాడికి గురై తప్పించుకున్న ఆర్‌ఐ అరవింద్‌ మాటల్లో ‘‘నాకు గుడివాడ తహశీల్దార్‌ నుంచి ఫోన్‌ వచ్చింది. మోటూరులో అక్రమ మట్టి తప్వకాలు జరుగుతున్నాయని ఫోన్‌ వచ్చింది. వీఆర్‌ఏ, వీఆర్వోలను వెంటబెట్టుకుని మోటూరుకు వెళ్లా. జేసీబీ, మూడు ట్రాక్టర్లతో మట్టి తవ్వకాలు చేస్తున్నారు. మట్టి తవ్వకాలను అపాలని హెచ్చరించా. మట్టి తవ్వకాలు ఆపకుండా నాతో వాగ్వాదం చేశారు. జేసీబీతో నాపై దాడి చేశారు. దాడి ఘటనపై పోలీసులకు ఫిర్యాదు చేశా.. పోలీసులు వచ్చి 3 ట్రాక్టర్లు, జేసీబీ సీజ్‌ చేశారు’’ అని తెలిపారు. కాగా, ఆర్‌ఐపై దాడి చేసిన వారిని తక్షణమే అరెస్టు చేయాలని రెవెన్యూ సంఘాలు డిమాండ్‌ చేశాయి. ((Story: మట్టి మాఫియా ఆగడాలు : ఆర్‌ఐపై హత్యాయత్నం : వీడియో వైర‌ల్‌)

https://youtu.be/pQl3assnZUU