విడదల రజనీ గ్రాండ్‌ పార్టీలో ఎవరామె?

April 29, 2022

విడదల రజనీ గ్రాండ్‌ పార్టీలో ఎవరామె?

Vidadala Rajani: విడదల రజనీ…కొత్తగా ఆరోగ్యమంత్రిగా బాధ్యతలు చేపట్టిన ఏపీ మంత్రి. ఈ విషయం అందరికీ తెలిసిందే. ఆమె తెలంగాణ అమ్మాయి. వ్యూహరచనలో ఆమె నెంబర్‌వన్‌ అని తాజ ఘటనతో అన్పిస్తోంది. ఈ మహిళా మంత్రి తనకు పదవి దక్కిందన్న ఆనందంలో గ్రాండ్‌ పార్టీ ఇచ్చారు. అయితే తాను ఎన్నికల్లో ఏ మాజీ మంత్రినైతే చిత్తుగా ఓడిరచిందో అదే మంత్రి భార్యను ఈ పార్టీకి పిలిచి, సంచలనం సృష్టించింది. ఈ పార్టీ వెనుక ఇతర రాజకీయాలు వున్నాయా? లేదా ఇంకేమైనా వుందా? అనేది ఇప్పుడు చర్చనీయాంశం. విడదల రజినీ గుంటూరు జిల్లా చిలకలూరిపేట ఎమ్మెల్యే. ఆమె ఏపీ ఆరోగ్యశాఖామంత్రిగా బాధ్యతలు చేపట్టిన శుభసందర్భంగా ఒక గ్రాండ్‌ పార్టీ ఇచ్చారు. ఎంపిక చేసిన మహిళలకు మాత్రమే ప్రవేశం. అయితే ఇక్కడే ఒక ట్విస్ట్‌! విడదల రజనీ రజినీ గురువు, మాజీ మంత్రి ప్రత్తిపాటి పుల్లారావు సతీమణి వెంకాయమ్మను ఆమె ఈ పార్టీకి పిలవడమే పెద్ద వార్తగా నిలిచింది. అదే ఇప్పుడు పొలిటికల్‌గా హాట్‌ టాపిక్‌. తన భర్త ప్రత్తిపాటి పుల్లారావును ఓడిరచిన రజిని పార్టీకి.. వెంకాయమ్మ రావడం ఒక విధంగా ఆశ్చర్యం కలిగించినా, దీని వెనుక రాజకీయాలు ఏమిటన్న అంశంపై తీవ్రమైన చర్చ సాగుతోంది. విడదల రజినీ రాజకీయ అరంగేట్రమే టీడీపీ నుంచి మొదలైంది. రజినీ మామ విడుదల లక్ష్మీనారాయణ అప్పట్లో చిలకలూరిపేట మార్కెట్‌ యార్డ్‌ ఛైర్మన్‌గా పనిచేశారు. నాడు మంత్రిగా ఉన్న ప్రత్తిపాటి పుల్లారావుకు కుడిభుజంగా వ్యవహరించేవారు. ఆ సమయంలోనే లక్ష్మీనారాయణ కొడుకు కుమారస్వామితో తెలంగాణ కుటుంబానికి చెందిన రజినీ వివాహమైంది. అప్పట్లో టీడీపీ కీలక నేతగా ఆమె మారుతుందని చర్చ కూడా జరిగింది. కానీ ఊహించని రీతిలో విడదల రజనీ కుటుంబం వైసీపీలో చేరడం, చిలకలూరిపేట ఎమ్మెల్యే టిక్కెట్‌ రజినీకి దక్కడం, ఆమె ఘన విజయం సాధించడం…అన్నింటికీ మించి పత్తిపాటి పుల్లారావుపై గెలుపొందడం జరిగింది. ఇప్పుడామె మంత్రి అయ్యారు. ఈ నేపథ్యంలో పత్తిపాటి పుల్లారావు కుటుంబానికి రజనీ పట్ల ఆగ్రహం వుండకుండా వుంటుందా? సహజంగానే వుంటుంది. కానీ తాజా పార్టీ చూస్తే అందుకు రివర్స్‌ పరిస్థితి కన్పిస్తున్నది. అదే పత్తిపాటి పుల్లారావు సతీమణిని రజనీ తన పార్టీకి ఆహ్వానించి మర్యాదలు చేశారు. ఈ ఉదంతంపై ఏం జరుగుతుందా అని ఊహాగానాలు ఊరేగుతున్న మాట వాస్తవమే. వేచిచూడటం తప్ప మనం చేసేదేమీ లేదున్నదీ వాస్తవమే. (Story: విడదల రజనీ గ్రాండ్‌ పార్టీలో ఎవరామె?)