చ‌దివింది మ‌ల్టీమీడియా…చేసేవి దొంగ‌త‌నాలు!

April 27, 2022

చ‌దివింది మ‌ల్టీమీడియా…చేసేవి దొంగ‌త‌నాలు!

Vizianagaram Police: చ‌దివింది మ‌ల్టీమీడియా కోర్సు…చేసేవి దొంగ‌త‌నాలు. అవేవో అర‌కొర‌గా చేసిన దొంగ‌త‌నాలు కావు…ఏకంగా 29 కేసులు. వాడు మామూలు దొంగ‌కాదు..గ‌జ‌దొంగ‌. ప‌రిస్థితులు అత‌న్ని ఏవిధంగా మార్చినా…అత‌ను దొంగ‌గానే స్థిర‌ప‌డ్డాడు. ఎట్ట‌కేల‌కు విజ‌య‌న‌గ‌రం పోలీసుల‌కు చిక్కాడు. విజ‌య‌న‌గ‌రం జిల్లా గ‌జ‌ప‌తిన‌గ‌రం పీఎస్ ప‌రిధిలోని పురిటిపెంటలో పోలీసులు నిందితుడిని పట్టుకుని అత‌ని వ‌ద్ద నుంచి రెండున్నర తులాలు బంగారం స్వాధీనం చేసుకున్నారు. ఇటీవల గజపతినగరం మండలం పురిటిపెంటలో జరిగిన బంగారం చోరీ కేసులో నిందితుడుని అరెస్టు చేసి, 48 గంటల్లోనే చోరీ మిస్టరీని ఛేదించినట్లుగా గజపతినగరం సిఐ డి.రమేష్ తెలిపారు. ఈ మేరకు నిందితుడి వద్ద నుండి 2 తులాల బంగారు ఆభరణాలు, వెండి వస్తువులను పోలీసులు స్వాధీనం చేసుకున్నారు. నిందితుడు జిల్లాలో ని బొబ్బిలి మండలం కుమందానపేట కు చెందిన కొల్లి జగన్మోహన్ రావుగా గుర్తించారు. నిందితుడు గతంలో మల్టీమీడియా చదివాడని పోలీసులు తెలిపారు. అత‌నిపై ఏకంగా తెలుగు రాష్ట్రాల్లో 29 కేసులు న‌మోదై వున్నాయి. విజయనగరం జిల్లాలో ఎస్పీ దీపికా ఆదేశాల మేరకు గజపతి నగరం పోలీసులు ఎంతో చాక‌చ‌క్యంగా అత‌న్ని పట్టుకున్నారు. (Story: చ‌దివింది మ‌ల్టీమీడియా…చేసేవి దొంగ‌త‌నాలు!)