కిరాతకం: మైనర్‌ బాలికపై 80 మంది అత్యాచారం!

April 20, 2022

కిరాతకం: మైనర్‌ బాలికపై 80 మంది అత్యాచారం!

Sex Racket in Guntur: ఓ మైనర్‌ బాలికను గత ఎనిమిది మాసాలుగా 80 మందికిపైగా అత్యాచారం చేసిన విషాదకర ఘటన ఆంధ్రప్రదేశ్‌లో జరిగింది. బాలిక తండ్రి సమాచారం ప్రకారం.. ఎనిమిది నెలలకు పైగా వ్యభిచారం చేయిస్తున్న 13 ఏళ్ల బాలికను గుంటూరులో పోలీసులు మంగళవారం నాడు రక్షించారు. ఎనిమిది నెలల కాలంలో 80 మంది వ్యక్తులు బాలికపై సామూహిక అత్యాచారానికి (Gang Rape) పాల్పడ్డారని విచారణలో తేలింది. ఈ ఉదంతంలో సువర్ణ కుమారి అనే మహిళను పోలీసులు ప్రధాన నిందితురాలిగా చూపించారు. ఈ బాలకను దత్తత తీసుకున్న సువర్ణ కుమారి గత 8 నెలలుగా ఈ అమ్మాయిని వేశ్య కొంపలకు పంపిస్తూ బలవంతంగా వ్యభిచారం చేయించింది. ఆ బాలిక తప్పించుకోవడానికి ఎలాంటి అవకాశం లేకుండా కట్టుదిట్టమైన ఏర్పాట్ల మధ్య ఈ రాకెట్‌ నడిచింది. ఎనిమిది నెలల క్రితం బాలిక తండ్రి పోలీసులకు ఇచ్చిన ఫిర్యాదు మేరకు పోలీసులు అప్పటి నుంచి వెతుకులాట ప్రారంభించారు. ఈ కేసుకు సంబంధించి జనవరిలో తొలి అరెస్టు జరిగింది. ఒక్కొక్క ఆధారం, కూపీ లాక్కుంటూ రాగా, ఏప్రిల్‌ 19న మంగళవారంనాడు గుంటూరు వెస్ట్‌జోన్‌ పోలీసులు ఒక బీటెక్‌ విద్యార్థితోపాటు 10 మందిని అరస్టు చేశారు. అందులో బాధితురాలు కూడా వుంది. నిందితులను, బాధితురాలిని విచారించిన మీదట ఆశ్చర్యగొలిపే విషయాలు వెలుగులోకి వచ్చాయి. కొవిడ్‌`19 మహమ్మారి కాలంలో సువర్ణ కుమారి ఈ బాలిక తల్లిని పరిచయం చేసుకున్నది. కరోనా ముదిరిపోవడంతో ఆ తల్లి చనిపోయింది. దీంతో ఈ మైనర్‌ బాలికను తాను దత్తత తీసుకుంటానని చెప్పిన సువర్ణ కుమారి ఆమెను తీసుకొని వెళ్లిపోయింది. అయితే అనుమానం వచ్చిన బాలిక తండ్రి 2021 ఆగస్టులో పోలీసులను ఆశ్రయించి ఫిర్యాదు చేశాడు. విషయం అర్థం చేసుకున్న పోలీసులు ఒక్కొక్క ఆధారంతో ముందుకు వెళ్లారు. బాధితురాలు బాలికను ఆంధ్రప్రదేశ్‌, తెలంగాణ రాష్ట్రాల్లోని చాలా వ్యభిచార గృహాలకు పంపించి, వ్యభిచారం చేయించినట్లు పోలీసులకు ఆధారాలు దొరికాయి. ఈ ఎనిమిది మాసాల వ్యవధిలో ఈ అమ్మాయిని 80 మందికిపైగా అత్యాచారం (Rape) చేసినట్లు తెలిసింది. పోలీసులు కేసు నమోదు చేసి దర్యాప్తు చేస్తున్నారు. ఈ సెక్స్‌రాకెట్‌ను బట్టబయలు చేసి, అమాయకురాలిని కాపాడిన గుంటూరు పోలీసులను ఈ సందర్భంగా అభినందించాల్సిందే. (Story: కిరాతకం: మైనర్‌ బాలికపై 80 మంది అత్యాచారం!)