మద్యం ప్రియులకు మరో మ‌త్తుకబురు!

April 22, 2022

మద్యం ప్రియులకు మరో మ‌త్తుకబురు!

Scotch Whisky: భారతదేశంలో మద్యం ప్రియులకు ఒక తీపికబురు రాబోతున్నది. తీపికబురు అనడం కంటే మత్తుకబురు అనడం ఉత్తమం. ఎందుకంటే, ఈ వార్త కచ్చితంగా మందుబాబులకు మరింత కిక్కిచ్చేదే! దేశంలో విస్కీ ధరలు భారీగా తగ్గనున్నాయి. వాస్తవానికి మనదేశంలో స్కాచ్‌ విస్కీ ధర చాలా ఎక్కువ. కారణమేమిటంటే, దొంగపోటు కన్నా లింగపోటు ఎక్కువన్నట్లు…ఇక్కడ దిగుమతి చేసుకునే విస్కీపై 150శాతం వరకు సుంకాలు విధిస్తున్నారు. దీంతో సహజంగానే మన దేశంలో విస్కీని విక్రయించాలంటే.. దాని అసలు ధర కన్నా 300శాతం అదనంగా చెల్లించాల్సి వచ్చేది. ఈ మధ్యే 150శాతానికి తగ్గించారు. అయితే ఇప్పుడిరకా ధరలు తగ్గబోతున్నాయి. అదెందుకని? ఇంకేమీ లేదు. ప్రస్తుతం బ్రిటన్‌ ప్రధానమంత్రి భారతదేశ పర్యటనలో వున్నారు. ఆయన మన ప్రధానమంత్రి మోదీతో కీలక సమావేశాలు జరిపారు. ఈ సందర్భంగా పలు ఒప్పందాలు కూడా కుదిరాయి. ఈ ఒప్పందాల్లో భాగంగానే స్కాచ్‌ విస్కీ ధర తగ్గేలా ఒక అంశంపై అవగాహన కుదిరింది. బ్రిటన్‌-భారత్‌ల మధ్య స్వేచ్ఛా వాణిజ్య ఒప్పందం చర్చలలో స్కాచ్‌ విస్కీ కూడా ఒక కీలక అంశమైంది. భారత మార్కెట్‌లో స్కాచ్‌ వాటా కేవలం 2 శాతం మాత్రమే. సుంకాలను తగ్గిస్తే కేవలం ఐదేళ్లలోనే స్కాచ్‌ విస్కీ ఎగుమతులు ఒక బిలియన్‌ పౌండ్లకు రూ. 9930 కోట్లు పెరుగుతాయని స్కాచ్‌ విస్కీ అసోసియేషన్‌ అభిప్రాయపడిరది. బ్రిటన్‌ నుంచి వచ్చే స్కాచ్‌ విస్కీపై ఆ దేశం సుంకాలను భారీగా తగ్గించాలని నిర్ణయించింది. ఈ మేరకు కుదిరిన ఒప్పందం ప్రకారం, మన దేశంలోకి వచ్చే విస్కీ ముడిపదార్థం రేటు తక్కువగా వుంటుంది. దీంతో దేశంలో స్కాచ్‌ విస్కీ ధరలు భారీగా తగ్గుతాయన్నమాట! (Story: మద్యం ప్రియులకు మరో మ‌త్తుకబురు!)