నేడు ఉచిత రక్త నాళాల వైద్య శిబిరం సత్య సాయి భజన మందిరం నిర్వాహకులు
న్యూ తెలుగు/ధర్మవరం (శ్రీ సత్య సాయి జిల్లా) : పట్టణంలోని మాధవ నగర్ లోని సత్యసాయి భజన మందిరము నందు ఈనెల 21వ తేదీ ఆదివారం ఉదయం 10:00 నుండి మధ్యాహ్నం మూడు గంటల వరకు ఉచిత రక్తనాళాల వైద్య శిబిరమును నిర్వహిస్తున్నట్లు సత్య సాయి భజన మందిరం నిర్వాహకులు తెలిపారు. ఈ సందర్భంగా వారు మాట్లాడుతూ 5000 రూపాయలు విలువైన రక్తనాళాల సర్జన్ కన్సల్టేషన్ వైద్య పరీక్షలు పూర్తిగా ఉచితమని తెలిపారు. భారత దేశపు అతిపెద్ద వాస్కులర్ హాస్పిటల్-హైదరాబాద్ వారి ఆధ్వర్యంలో ఈ శిబిరమును నిర్వహిస్తున్నట్లు వారు తెలిపారు. ఈ శిబిరంలో ఉబ్బిన మెలి తిరిగిన నరాలు, స్పైడర్ సిరలు, కాళ్లు లో రక్తం సరఫరా లేకపోవడం, కాలు లేదా పాదాలవాపు, సారియాసిస్, మెదడుకు తగినంత రక్త సరఫరా లేకపోవడం లాంటి సమస్యలకు మెరుగైన వైద్య చికిత్సలను నిర్వహించబడునని తెలిపారు. కావున ఈ అవకాశాన్ని పేద ప్రజలు సద్వినియోగం చేసుకోవాలని తెలిపారు. మరిన్ని వివరాలకు సెల్ నెంబర్ 9100560216 కు గాని 7337321806కు గాని 990876054కు గాని సంప్రదించాలని తెలిపారు.(Story:నేడు ఉచిత రక్త నాళాల వైద్య శిబిరం సత్య సాయి భజన మందిరం నిర్వాహకులు)
