వివాహేతర సంబంధమే కారణమా?

May 3, 2022

వివాహేతర సంబంధమే కారణమా?

మర్మాంగాలు కోసి ఉన్న జంట మృత దేహాల కలకలం

Twin Murders: హైదరాబాద్‌ నగర శివార్లలో విజయవాడ జాతీయరహదారిపై జంట మృతదేహాలు కలకలం రేపాయి. అందులో పురుషునికి మర్మాంగం కోసివున్నట్లు పోలీసులు తెలిపారు. రంగారెడ్డి జిల్లా అబ్దుల్లాపూర్‌మెట్‌ పోలీస్‌స్టేషన్‌ పరిధిలోని కొత్తగూడెం బ్రిడ్జి వద్ద నగ్నంగా పడిఉన్న జంట మృతదేహాలు వెనుక గుట్టురట్టు చేసేందుకు పోలీసులు ప్రయత్నిస్తున్నారు. మృతులను సికింద్రాబాద్‌ వారాసిగూడకు చెందిన యశ్వంత్‌ (22), అదే ప్రాంతానికి చెందిన వివాహిత జ్యోతిగా పోలీసులు గుర్తించారు. మృతదేహాలు కుళ్లిపోయాయి. దుర్వాసన వస్తున్నాయి. రెండ్రోజుల కిందటే వీరిని చంపినట్టు పోలీసులు అనుమానిస్తున్నారు. దారుణంగా హత్యచేసి, మర్మాంగాలు సైతం కోసేశారని తెలిపారు. యశ్వంత్‌కు వివాహం కాలేదు. జ్యోతికి ఇద్దరు పిల్లలు ఉన్నారు. వివాహేతర సంబంధం కారణంగానే ఈ ఇద్దరినీ హత్యచేసి ఉంటారని పోలీసుల సందేహం. ఈ కేసును ఛేదించేందుకు మూడు ప్రత్యేక బృందాలతో దర్యాప్తు చేస్తున్నట్టు ఎల్బీనగర్‌ డీసీపీ సన్‌ప్రీత్‌సింగ్‌ వెల్లడిరచారు. క్లూస్‌ టీం వివరాలు సేకరిస్తున్నదని, త్వరలోనే కేసును ఛేదిస్తామని పోలీసులు తెలిపారు. (Story: వివాహేతర సంబంధమే కారణమా?)