అమ్మాయి కావాలని కోరితే…ఇళ్లల్లో వచ్చి మహిళలను ఎత్తుకుపోతారా?

April 21, 2022

అమ్మాయి కావాలని కోరితే…ఇళ్లల్లో వచ్చి మహిళలను ఎత్తుకుపోతారా?

Nara Chandrababu Naidu: ఏపీలో అసలేం జరుగుతోందో ఎవరికీ అర్థం కావడం లేదని టీడీపీ అధ్యక్షులు చంద్రబాబు నాయుడు వ్యాఖ్యానించారు. వైసీపీ ప్రభుత్వంపై తీవ్ర ఆగ్రహం వ్యక్తం చేస్తున్నారు. ఒంగోలు ఆర్టీఏ అధికారుల సీఎం జగన్‌ కాన్వాయ్‌ కోసం భక్తుల కారు తీసుకోవడంపై బాబు స్పందించారు. అధికారుల వ్యవహార శైలిని ఎండగట్టారు. 2022, ఏప్రిల్‌ 21వ తేదీ గురువారం ఆయన మీడియాతో మాట్లాడారు. ఏపీలో పోలీసులు దొంగల మాదిరిగా వ్యవహరిస్తున్నారని ఘాటు వ్యాఖ్యలు చేశారు. తిరుపతిలో భక్తుడు టీ తాగుదామని ఆగితే.. పోలీసు కానిస్టేబుల్‌ వచ్చి కారును తీసుకెళ్లిపోయాడన్నారు. ఆ తర్వాత ఆర్టీఏ అధికారులు వచ్చి సీఎం కోసం కారును తీసుకెళ్లామని తీరిగ్గా చెప్పారని..ఎవరైనా అమ్మాయి కావాలని కోరుకుంటే ఇళ్లల్లో వచ్చి మహిళలను ఎత్తుకుపోతారా? అంటూ చంద్రబాబు తీవ్ర వ్యాఖ్యలు చేశారు. ప్రజల ఆస్తులకు.. మహిళల శీలాలకు వైసీపీ ప్రభుత్వంలో రక్షణ లేకుండా పోయిందని ఆరోపించారు. రాజకీయాల్లో వైసీపీ ఉండదగ్గ పార్టీ కాదని బాబు ఆగ్రహం వ్యక్తం చేశారు. (Story: అమ్మాయి కావాలని కోరితే…ఇళ్లల్లో వచ్చి మహిళలను ఎత్తుకుపోతారా?)