నలుగురు పిల్లల్ని కనాల్సిందే!

April 18, 2022

నలుగురు పిల్లల్ని కనాల్సిందే!

Hindutva: హిందూ మతానికి చెందిన ప్రతి ఒక్కరూ నలుగురు పిల్లలకు జన్మనివ్వాలంటూ హిందుత్వ మహిళా నేత సాధ్వి రితంబర సంచలన ప్రకటన చేశారఱ. పిల్లలను కనడంలో ముస్లిమ్‌లకు లేని ఆంక్షలు మనకెందుకని ప్రశ్నించారు. పిల్లలను కనడానికి అదేపనిగా వుండాలని పిలుపునిచ్చారు. కనీసం నలుగురు పిల్లలను కనడం ద్వారా భారతదేశాన్ని హిందూదేశం చేయవచ్చని ఆమె అభిప్రాయపడ్డారు. దేశాన్ని హిందూదేశంగా మార్చడం వల్ల నిరుద్యోగం తగ్గుతుందా? ధరలన్నీ తగ్గిపోతాయా? కరోనా ఇకపై రాదా? ఎలాంటి ఆర్థిక సంక్షోభాలు తలెత్తవా? వంటి సమస్యలకు ఆమె పరిష్కారం ఇవ్వలేదు. సాధ్వి రితంబర విశ్వ హిందూ పరిషత్‌ మహిళా విభాగమైన దుర్గావాహిని వ్యవస్థాపకురాలు. ఇంకో విశేషమేమిటంటే, హిందూ కుటుంబ నలుగురు పిల్లల్ని కనాలని, వారిలో ఇద్దరిని దేశానికి అంకితం చేయాలని పిలుపునిచ్చారు. అప్పుడే దేశం హిందూరాజ్యంగా అవతరిస్తుందని అన్నారు. దిల్లీలో హనుమాన్‌ జయంతి శోభా యాత్రపై దాడి చేసిన వారు హిందువుల అభివృద్ధిని చూసి ఓర్వలేకున్నారని పేర్కొన్నారు. రాజకీయ ఉగ్రవాదం ద్వారా దేశంలోని హిందు సమాజాన్ని చీల్చే ప్రయత్నాలను ఎదుర్కొంటామని ఇందు కోసం హిందు దంపతులు నలుగురు పిల్లలకు జన్మనివ్వాలంటూ కోరారు. ఇకపై ఇద్దరు చాలు, ఒక్కరే ముద్దు వంటి ఆలోచనలకు హిందూ దంపతులు వెళ్లవద్దని, నలుగురిని కనేసి ఆర్‌ఎస్‌ఎస్‌కు అప్పగించాలని కోరారు. (Story: నలుగురు పిల్లల్ని కనాల్సిందే!)