వినుకొండలో వీధి దీపాలకు మరమ్మతులు
న్యూస్‌తెలుగు/వినుకొండ : వినుకొండ పట్టణములో వెలగని వీధిదీపాలను తక్షణమే తొలిగించి రిపేర్ చేయించి ప్రతిష్ఠాపనం చేయాలని గౌరవ ఎమ్మెల్యే జి వి ఆంజనేయులు ఆదేశం మేరకు కమీషనర్ సుభాష్ చంద్రబోస్ మున్సిపాలిటీలోని ముఖ్య రహదారుల మధ్య ఉన్న 210W ఐమాక్స్ వీధి దీపాలకు మరమ్మతులు ప్రారంభించారు, వాటిలో శివయ్య స్థూపం , రంగనాయక స్వామి సెంటర్ ,ఆర్టీసీ బస్టాండ్ ఎన్టీఆర్ విగ్రహం ,రైల్వే స్టేషన్ వెళ్లే బిక్కి రాములా స్తూపం దారిలోని నందు గల వీధి దీపాలను రిపేర్ నిమిత్తం తొలిగించారు. పట్టణంలోని 120W వీధి దీపాల మరమ్మతులు కూడా ప్రారంభించారు.త్వరలోనే పట్టణంలోని అన్ని స్ట్రీట్ లైట్స్ వెలుగునట్లు ప్రయత్నములు జరుగుతున్నాయని తెలిపారు.
మునిసిపాలిటీ యొక్క ప్రయత్నాలు ప్రజల భద్రత మరియు సౌకర్యాన్ని నిర్ధారించడానికి , పని చేయని వీధిలైట్ల గురించి ఆందోళనలను పరిష్కరించడానికి, పట్టణ నివాసితులు గతంలో ఎదురుకున్న చీకటి ఇక్కట్లు దోపిడీలు మరియు ప్రమాదాలతో కూడిన భద్రతా సమస్యలకు పరిష్కారంగా వీధి దీపాల మరమ్మత్తు చేపట్టినట్టు కమీషనర్ పేర్కొన్నారు. (Story : వినుకొండలో వీధి దీపాలకు మరమ్మతులు)
