చంద్ర‌బాబునాయుడు అరెస్ట్‌!

September 9, 2023

చంద్ర‌బాబునాయుడు అరెస్ట్‌!

నంద్యాల : మాజీ ముఖ్యమంత్రి చంద్రబాబు నాయుడు ను నంద్యాలలో పోలీసులు అరెస్టు చేశారు. విజయవాడకు తరలించారు. మాజీ మంత్రి భూమా అఖిల ప్రియ ను మహానందిలో అరెస్ట్ చేశారు. అలాగే మాజీ ఎమ్మెల్యే లు బీసీ జనార్ధనరెడ్డి, బుడ్డా రాజశేఖర్ రెడ్డి, జయనాగేస్వరరెడ్డి, భూమా బ్రహ్మానందరెడ్డి, నాయకులు భూమా జగత్ విఖ్యాత రెడ్డి తో పాటు కొందరు నాయకులను బండి ఆత్మకూరు పొలీస్ స్టేషన్ కు తరలించారు. అర్ధరాత్రి నుంచి పోలీసులు చంద్రబాబు నాయుడును అరెస్ట్ కు ప్రయత్నం చేశారు. ఉదయం అరెస్ట్ చేశారు. స్కిల్ డెవలప్‌మెంట్ కుంభకోణంలో తెలుగుదేశం పార్టీ అధినేత నారా చంద్రబాబునాయుడును పోలీసులు అరెస్ట్ చేశారు. నంద్యాలలో ఆయన బస చేసిన ఆర్కే ఫంక్షన్ హాల్ వద్దకు పెద్ద ఎత్తున చేరుకున్న పోలీసులు ఈ ఉదయం 5 గంటల సమయంలో అరెస్ట్ చేశారు. సీఆర్పీసీ సెక్షన్ 50(1) కింద ఆయనను అరెస్ట్ చేసినట్టు పోలీసులు తెలిపారు. టిఫిన్ అనంతరం చంద్రబాబును విజయవాడ తరలించేందుకు సీబీఐ అధికారులు సన్నాహాలు చేస్తున్నారు. అంతకుముందు చంద్రబాబును అరెస్ట్ చేయబోతున్నారన్న వార్తతో నంద్యాలలో కలకలం రేగింది. టీడీపీ నేతలు కాలువ శ్రీనివాసులు, భూమా బ్రహ్మానందరెడ్డి, భూమా అఖిలప్రియ, జగత్ విఖ్యాత్‌రెడ్డి, ఏవీ సుబ్బారెడ్డి, బీసీ జనార్దన్‌రెడ్డి తదితర నేతలను కూడా పోలీసులు అరెస్ట్ చేశారు. (Story: చంద్ర‌బాబునాయుడు అరెస్ట్‌!)