పవన్‌ కల్యాణ్‌కు ప్రధాని మోదీ చాక్లెట్‌

May 2, 2025

33

పవన్‌ కల్యాణ్‌కు ప్రధాని మోదీ చాక్లెట్‌

రాజధాని పునః ప్రారంభ సభలో ఆసక్థికర సన్నివేశం

న్యూస్ తెలుగు/అమరావతి: రాజధాని అమరావతి పున:ప్రారంభ కార్యక్రమంలో ఆసక్తికర పరిణామాలు నెలకొన్నాయి. ప్రధాని మోదీ రాజధాని పున:నిర్మాణ పనులకు శంకుస్థాపన చేశారు. ఈ సమయంలో సభా వేదికపై డిప్యూటీ సీఎం పవన్‌ కళ్యాణ్‌కుకు ప్రధాని మోదీ ప్రత్యేక బహుమతి ఇవ్వడం చర్చానీయాంశంగా మారింది. పవన్‌ ప్రసంగం తర్వాత స్వయంగా ప్రధాని మోదీ..పవన్‌ను తన వద్దకు పిలుచుకున్నారు. ఆపై డిప్యూటీ సీఎంకు చాక్లెట్‌ను బహుమతిగా ఇచ్చారు పీఎం. చాక్లెట్‌ను తీసుకున్న పవన్‌ ఎంతో సంతోషం వ్యక్తం చేశారు. పవన్‌కు మోదీ చాక్లెట్‌ ఇవ్వడంతో పక్కనే ఉన్న సీఎం చంద్రబాబు సైతం నవ్వులు పూయించారు.ఆ తర్వాత మోదీకి పవన్‌ ధన్యవాదాలు తెలుపుతూ, తన సీట్లో ఆశీసునులయ్యారు. ఈ సంఘటన వేదికపైనా, లోపల ఆసక్తికరంగా మారింది. ఈ సభలో డిప్యూటీ సీఎం పవన్‌ కల్యాణ్‌, విద్యాశాఖ మంత్రి నారా లోకేశ్‌ ప్రసంగిస్తూ, మోదీని పొగడ్తల వర్షం కురిపించారు. ఆ తర్వాత సీఎం చంద్రబాబు ప్రసంగిస్తూ..రాజధాని నిర్మాణ ఆవశ్యకతను పునరుద్ఘాటించారు. పవన్‌ తన ప్రసంగంలో సైబరాబాద్‌ను ఏ విధంగా అభివృద్ధి చేశారో, అదే దిశగా అమరావతి అభివృద్ధికి కృషి చేస్తారని పవన్‌ అన్నారు. కనదుర్గమ్మ ఆశీస్సులతో ప్రధాని మోదీకి బలాన్ని ఇవ్వాలని అందరం ప్రార్థిద్దామని డిప్యూటీ సీఎం పవన్‌ అన్నారు.పహల్గామ్‌ ఉగ్రదాడితో దేశంలో కీలక పరిస్థితులు ఉన్నప్పటికీ అమరావతి రైతులు చేసిన త్యాగాలు మరిచిపోకూడదంటూ..ఇంత ఇబ్బందికర పరిస్థితుల్లో ఇక్కడకు వచ్చినందుకు ప్రధాని మోదీకి మనస్ఫూర్తిగా కృతజ్ఞతలు తెలియజేశారు. (Story: పవన్‌ కల్యాణ్‌కు ప్రధాని మోదీ చాక్లెట్‌)