బక్షి శ్రీకాంతరావు కి రావుల పదవీ విరమణ శుభాకాంక్షలు
న్యూస్‌తెలుగు/వ‌న‌ప‌ర్తి : డిప్యూటీ తహసీల్దార్ గా పదవీ విరమణ చేస్తున్న భక్షి. శ్రీకాంత్ రావు కి మాజీ ఎంపి రావుల చంద్రశేఖరరెడ్డి పదవీ విరమణ శుభాకాంక్షలు తెలియజేశారు. రావుల తరపున బిఆర్ఎస్ మీడియా కన్వీనర్ నందిమల్ల అశోక్ శ్రీకాంత్ రావు ని ఘనంగా సన్మానించారు.ఈ సందర్భంగా రావుల మాట్లాడుతూ శ్రీకాంత్ రావు గారు ఉద్యోగంతో పాటు ప్రజా సమస్యలు పరిష్కరించడంలో నిష్ణాతులు అని కొనియాడారు. వారు 1984లో వి. వి.ఓ గా ఉద్యోగ ప్రస్థానం ప్రారంభించి వి.ఏ.ఓ,పంచాయితీ సెక్రటరీ,వి.ఆర్.ఓ,సీనియర్ అసిస్టెంట్(గిర్దావర్), డిప్యూటీ తహసీల్దార్ గా వివిధ హోదాలలో పని చేసి ప్రజలకు చేరువైనారని అన్నారు. శ్రీకాంత రావు సామాజిక స్పృహ కలిగిన వ్యక్తి అని విశ్రాంత జీవితం సమాజసేవ కోసం ఉపయోగించాలని వారు ఆయురారోగ్యాలతో ఉండాలని కోరారు. ఈ కార్యక్రమంలో నందిమల్ల అశోక్,ఎం.డి.గౌస్,వహీద్,కలెక్టరేట్ ఉద్యోగస్తులు పాల్గొన్నారు. (Story : బక్షి శ్రీకాంతరావు కి రావుల పదవీ విరమణ శుభాకాంక్షలు)
