గంగినేని ఫౌండేషన్ ద్వారా పేద విద్యార్థినికి ఆర్థిక సహాయం
న్యూస్‌తెలుగు/ వినుకొండ : నూజెండ్ల మండలం ఉప్పలపాడు గ్రామానికి చెందిన దొడ్డ భవాని నరసరావుపేట పట్టణంలోని డిగ్రీ చదువుతున్న పేద విద్యార్థిని తండ్రిని కోల్పోయి చదువులకు ఆర్థికంగా ఇబ్బందులకు గురవుతున్న నేపథ్యంలో గ్రామంలోని నాయకుల రోడ్డ వీరాంజనేయరెడ్డి సహకారంతో మంగళవారం వినుకొండ పట్టణంలోని ఎమ్మెల్యే కార్యాలయం వద్ద విద్యార్థినికి గంగినేని ఫౌండేషన్ అధినేత గంగినేని రాఘవ మాస్టారు, శివశక్తి లీలా అంజన్ ఫౌండేషన్ సీనియర్ మేనేజర్ జి.వి.రమణ రావు చేతులమీదుగా ఈ ఆర్థిక సహాయాన్ని విద్యార్థినీకి అందజేయడం జరిగింది. ఈ సందర్భంగా జి.వి.రమణ రావు మాట్లాడుతూ గంగినేని ఫౌండేషన్ దొడ్డ భవానికి నిరుపేద విద్యార్థినికి పదివేల రూపాయల ఆర్థిక సహాయాన్ని గంగినేని ఫౌండేషన్ ద్వారా ఇవ్వడం జరిగిందని, గంగినేని ఫౌండేషన్ స్థాపించి ఎంతోమందికి పేదవారికి ఎన్నో రకాలుగా సహాయ సహాకారాలు అందిస్తున్న గంగినేని ఫౌండేషన్ అధినేత రాఘవ కి ప్రత్యేక అభినందనలు తెలియజేస్తూ వారు భవిష్యత్తులో ఇలానే ఫౌండేషన్ ద్వారా ఎన్నో సేవా కార్యక్రమాలను చేయాలని ఈ సందర్భంగా సూచించారు. ఈ కార్యక్రమంలో ఆర్. వీరాంజనేయరెడ్డి, బత్తుల గోవిందరాజులు, బోడపాటి రామారావు, శ్రీను నాయక్, ఐలా నరసింహారావు, తదితరులు పాల్గొన్నారు. (Story : గంగినేని ఫౌండేషన్ ద్వారా పేద విద్యార్థినికి ఆర్థిక సహాయం)
