తెలుగురాష్ట్రాల్లో పంపిణీని పెంచిన పిడిలైట్‌ రాఫ్‌
న్యూస్‌తెలుగు/హైదరాబాద్‌: పిడిలైట్‌ ఇండస్ట్రీస్‌ నుండి ప్రముఖ టైల్స్‌ ఎడ్హెసివ్‌ బ్రాండ్‌ అయిన రాఫ్‌ హైదరాబాద్‌ సమీపంలోని జడ్చర్లలో తమ కొత్త తయారీ కేంద్రాన్ని ప్రారంభించింది. ఆంధ్రప్రదేశ్‌, తెలంగాణ, ఈశాన్య కర్ణాటక మార్కెట్లలో అధిక నాణ్యత గల టైల్‌ ఎడ్హెసివ్‌ ఉత్పత్తుల కోసం పెరుగుతున్న డిమాండ్లను తీర్చడానికి ఈ సదుపాయం తోడ్పడనుంది. పిడిలైట్‌ ఇండస్ట్రీస్‌ లిమిటెడ్‌ మేనేజింగ్‌ డైరెక్టర్‌ భరత్‌ పూరి మాట్లాడుతూ, ‘‘ఆంధ్రప్రదేశ్‌ , తెలంగాణ మార్కెట్లలో ప్రీమియం, ప్రత్యేక ఉత్పత్తులకు డిమాండ్‌ పరంగా స్థిరమైన పెరుగుదలను మేము గమనించాము. టైల్‌, స్టోన్‌ ఫిక్సింగ్‌ను ఆధునీకరించాలనే మా లక్ష్యంకు అనుగుణంగా మా జడ్చర్ల ప్రాజెక్ట్‌ ఉంది. వినియోగదారులకు మేలైన ఎడ్హెసివ్‌ పదార్థాలను అందించడం, తయారీని మార్కెట్‌లకు చేరువ చేయడం మా లక్ష్యమని అన్నారు. పిడిలైట్‌ ఇండస్ట్రీస్‌ పర్యావరణ లక్ష్యాలకు అనుగుణంగా, ఈ సదుపాయం జీరో-వేస్ట్‌ ప్లాంట్‌గా పనిచేస్తుంది, 80% సౌరశక్తితో నడుస్తుంది, నిర్మాణ రసాయనాల రంగంలో పర్యావరణ అనుకూల తయారీకి కొత్త ప్రమాణాలను ఏర్పరుస్తుంది. (Story : తెలుగురాష్ట్రాల్లో పంపిణీని పెంచిన పిడిలైట్‌ రాఫ్‌)
