శ్రీ చైతన్య స్కూల్‌లో యాన్యువల్ స్పోర్ట్స్ డే
విజయనగరం (న్యూస్‌తెలుగు) : విజయనగరం ప‌ట్ట‌ణంలోని స్థానిక శ్రీ చైతన్య పాఠశాల కామాక్షి నగర్ బ్రాంచ్ లో యాన్యువల్ డే వేడుకలు జరిగాయి. ఈ కార్యక్రమంలో విశిష్ట అతిథిగా డిప్యూటీ సూపరిండెంట్ ఆఫ్ పోలీస్ గోవిందరావు, ముఖ్యఅతిథిగా శ్రీ చైతన్య పాఠశాల పర్యవేక్షణ అధికారి శ్రీనివాసరావు విద్యార్థుల నుంచి గౌరవ వందనం స్వీకరించారు. అనంతరం క్రీడా పోటీల్లో గెలుపొందిన విద్యార్థులకు బహుమతులు అందజేశారు.ఈ సందర్భంగా అతిధులు విద్యార్థులను ఉద్దేశించి మాట్లాడుతూ విద్యార్థులు చదువుతోపాటు క్రీడా పోటీల్లో ఉత్సాహంగా పాల్గొన్నప్పుడే ఆరోగ్యంగా ఉంటారని, దేశానికి పేరు ప్రఖ్యాతలు తెస్తారని తెలిపారు. ఈ సందర్భంగా విద్యార్థులు చేసిన సాంస్కృతిక కార్యక్రమాలు ఆహూతులను అలరించాయి .ఈ కార్యక్రమంలో పాఠశాల ప్రధానోపాధ్యాయులు ఎం జ్యోతి , డీన్ జామి చిన్న, త్రినాధ నాయుడు, పాఠశాల పిఈటి రమేష్, ఉపాధ్యాయుని, ఉపాధ్యాయులు, విద్యార్థులు ఉత్సాహంగా ఈ కార్యక్రమంలో పాల్గొన్నారు. (Story: శ్రీ చైతన్య స్కూల్‌లో యాన్యువల్ స్పోర్ట్స్ డే)
See Also:
ర‌వితేజ బ‌ర్త్‌డే గిఫ్ట్‌ అదిరిపోయింది!
రాబిన్‌హుడ్‌లో నితిన్ వేరే లెవ‌ల్‌!
‘సలార్ సీజ్ పైర్’ను మించి సలార్ పార్ట్ 2
