రైతు బాంధవుడు ముప్పాళ్ళ చెన్నయ్య 10వ వర్ధంతి సందర్భంగా నిరాశ్రయులకు దుప్పట్లు, భోజనం అందచేత

రైతు బాంధవుడు ముప్పాళ్ళ చెన్నయ్య 10వ వర్ధంతి సందర్భంగా నిరాశ్రయులకు దుప్పట్లు, భోజనం అందచేత

న్యూస్ తెలుగు/వినుకొండ: ప్రముఖ సంఘ సేవకులు, అడ్వకేట్, వినుకొండ ఏజిపి ముప్పాళ్ళ జ్ఞానేశ్వర రావు తండ్రి ముప్పాళ్ళ చెన్నయ్య 10వ వర్ధంతిని పురస్కరించుకుని మానవత్వాన్ని చాటుకున్నారు. ఈ సందర్భంగా యంగ్ స్టార్స్ హెల్పింగ్ హార్ట్స్ ఫౌండేషన్ ఆధ్వర్యంలో వినుకొండ పట్టణంలోని నిరాశ్రయులకు మరియు నిరుపేదలకు భారీ ఎత్తున దుప్పట్లు మరియు భోజనాల పంపిణీ కార్యక్రమాన్ని చేపట్టారు. తన తండ్రి జ్ఞాపకార్థం ప్రతి ఏటా సేవా కార్యక్రమాలు నిర్వహిస్తున్న జ్ఞానేశ్వర రావు, ఈ ఏడాది 10వ వర్ధంతిని పురస్కరించుకుని చలి తీవ్రతను దృష్టిలో ఉంచుకుని, రోడ్డు పక్కన నివసించే అభాగ్యులకు నాణ్యమైన దుప్పట్లను, ఆకలితో వున్నవారికి ఫౌండేషన్ సభ్యులతో కలిసి స్వయంగా భోజనం పంపిణి చేసారు. తన తండ్రి నేర్పిన సేవా దృక్పథమే నన్ను ఈ స్థాయికి చేర్చింది. వారి జ్ఞాపకార్థం నలుగురికి సహాయం చేయడంలో ఉన్న తృప్తి మరెందులోనూ లేదు. యంగ్ స్టార్స్ హెల్పింగ్ హార్ట్స్ ఫౌండేషన్ సభ్యుల సహకారం ఈ కార్యక్రమ విజయానికి ఎంతో తోడ్పడింది అన్నారు. ఈ కార్యక్రమంలో ఫౌండేషన్ అధ్యక్షులు పమిడిపల్లి అనిల్ రాజ్, ఉపాధ్యక్షులు గుమ్మడి మనోహర్, జాయింట్ సెక్రెటరీ పెనుమాల వెంకట్రావు, ట్రెజరర్ కే. సునీల్, తదితరులు పాల్గొన్నారు.(Story : రైతు బాంధవుడు ముప్పాళ్ళ చెన్నయ్య 10వ వర్ధంతి సందర్భంగా నిరాశ్రయులకు దుప్పట్లు, భోజనం అందచేత )