గీతాంజలి రెసిడెన్షియల్ స్కూల్స్ నందు బాలల దినోత్సవ వేడుకలు
న్యూస్ తెలుగు/వినుకొండ : స్థానిక వెన్నపూస కాలనీలోని గీతాంజలి రెసిడెన్షియల్ స్కూల్స్ నందు బాలల దినోత్సవ వేడుకలు గురువారం నిర్వహించారు. ఈ సందర్భంగా ఏర్పాటు చేసిన కార్యక్రమంలో ప్రిన్సిపల్ తేళ్ళ కృష్ణవేణి ముఖ్యఅతిథిగా పాల్గొని చిన్నారులకు బాలల దినోత్సవ శుభాకాంక్షలు అందించారు. ఈ సందర్భంగా ఆమె మాట్లాడుతూ. నేటి బాలలే రేపటి పౌరులని, జవహర్లాల్ నెహ్రూ కి ఎంతో ఇష్టమైన ఈ చిన్న పిల్లలు భావి భారత పౌరులుగా ఎదిగి పుట్టిన గడ్డకు మంచి పేరు తీసుకుని రావాలని హితువు పలికారు. బాలల దినోత్సవం రోజు పిల్లలందరూ ఎంతో సంతోషంగా గడపాలని , అలాగే నెహ్రూ దేశానికి చేసిన సేవను గుర్తుతెచ్చుకొని రేపు పౌరులుగా ఎదిగిన తర్వాత మన వంతు సాయంగా దేశ సేవ చేయాలని ప్రతి ఒక్కరిని కోరారు.అనంతరం చిన్నారులు వివిధ వేషధారణలతో చేసిన సాంస్కృతిక కార్యక్రమాలు ఎంతగానో అలరించాయి. ఈ కార్యక్రమంలో గీతాంజలి విద్యాసంస్థల కరస్పాండెంట్ లక్ష్మణ కిషోర్, ఉపాధ్యాయులు, విద్యార్థులు మరియు తల్లిదండ్రులు పాల్గొన్నారు.(Story:గీతాంజలి రెసిడెన్షియల్ స్కూల్స్ నందు బాలల దినోత్సవ వేడుకలు)
