ఏపీ అసెంబ్లీ చీఫ్‌ విప్‌ జీవి ని మర్యాదపూర్వకంగా కలిసిన వినుకొండ పట్టణ తెలుగుదేశం పార్టీ నేతలు
న్యూస్‌ తెలుగు/ వినుకొండ : ఆంధ్రప్రదేశ్ రాష్ట్ర ప్రభుత్వ అసెంబ్లీ చీఫ్‌విప్‌గా నియమితులైన తెలుగుదేశం పార్టీ సీనియర్ నాయకులు, స్థానిక శాసనసభ్యులు జీవీ ఆంజనేయులు ను బుధవారం పట్టణ తెదేపా నేతలు మర్యాదపూర్వకంగా కలిశారు. మంగళవారం రాత్రి నియామక ప్రకటన, బుధవారం అందుకు సంబంధించి నోటిఫికేషన్ విడుదల నేపథ్యంలో వారంతా అసెంబ్లీ ఆవరణలో జీవి ఆంజనేయులను కలసి శుభాకాంక్షలు తెలియజేశారు. చీఫ్‌ విప్‌గా జీవీ సహా 15మంది నియామకాలకు సంబంధించి రాష్ట్ర ప్రభుత్వ ప్రధాన కార్యదర్శి బుధవారం నోటిఫికేషన్ జారీ చేశారు. వారిని కలసినవారిలో పట్టణ తెదేపా పార్టీ అధ్యక్షులు పఠాన్ అయుబ్ ఖాన్ , పత్తి పూర్ణచంద్రరావు, పివి సురేష్ బాబు, పఠాన్ షమీంఖాన్, సౌదాగర్ జానీ భాష, గట్టుపల్లి శ్రీను, గోల్డ్ కరిముల్లా, రియల్ ఎస్టేట్ జానీ, దస్తగిరి, సాంబ, ఆరే శ్రీరాములు తదితరులు పాల్గొన్నారు.(Story:ఏపీ అసెంబ్లీ చీఫ్‌ విప్‌ జీవి ని మర్యాదపూర్వకంగా కలిసిన వినుకొండ పట్టణ తెలుగుదేశం పార్టీ నేతలు)
