ఘనంగా జరిగిన స్వాగతోత్సవ వేడుకలు
ప్రిన్సిపాల్ డాక్టర్. జి. మల్లికార్జున
న్యూస్ తెలుగు /ధర్మవరం (శ్రీ సత్య సాయి జిల్లా) : పట్టణంలోని ఎల్పీ సర్కిల్లో గల శ్రీ పద్మావతి మహిళా డిగ్రీ కళాశాలలో స్వాగతం వేడుకలు ఘనంగా నిర్వహించినట్లు కళాశాల కరస్పాండెంట్ శ్రీ సాయి, డైరెక్టర్ జగదీష్, ప్రిన్సిపాల్ డాక్టర్ జి. మల్లికార్జున, పేర్కొన్నారు. అనంతరం వారు మాట్లాడుతూ తొలుతాయి కార్యక్రమంలో సీనియర్ విద్యార్థినీలు జూనియర్ విద్యార్థినీయులను సాదరంగా ఆహ్వానించడం జరిగిందన్నారు. ఈ కార్యక్రమానికి ముఖ్య అతిథులుగా కేజీబీవీ అధ్యాపకురాలు హరిని, మోడల్ కాలేజ్ అధ్యాపకులు కిరణ్ పాల్గొనడం జరిగిందని తెలిపారు. సీనియర్ జూనియర్ విద్యార్థినీలు కలిసి, మెలిసి, ఐక్యమత్యంగా, సమన్వయంతో చదువును కొనసాగించాలని తెలిపారు. అలాగే సీనియర్ విద్యార్థినీలు జూనియర్ విద్యార్థినీలకు ఆదర్శంగా ఉండేవిధంగా మలుచుకోవాలన్నారు. ఈమధ్య విడుదలైన ఎస్కే యూనివర్సిటీ సెమిస్టర్ ఫలితాలలో టౌన్ ఫస్ట్ సాధించిన విద్యార్థినిలను మెమెంటోళ్ళతో ఘనంగా సత్కరించడం జరిగిందని తెలిపారు. ఈ విజయానికి కృషి చేసిన అధ్యాపక అధ్యాపకే తర బృందాన్ని అభినందన కృతజ్ఞతలను తెలిపారు. మున్ముందు కూడా ఈ కళాశాలకు మంచి విజయాన్ని చేకూర్చాలని వారు కోరడం జరిగిందన్నారు. తదుపరి విద్యార్థినీలు చేసిన నృత్యాలు అందరినీ ఆకట్టుకున్నాయి. అధ్యంతం స్వాగతం శుభ వేడుకలు ఉత్సాహంగా ముగిశాయి. (Story : ఘనంగా జరిగిన స్వాగతోత్సవ వేడుకలు)
