అకాల వర్షాలపై స్పందించిన మంత్రి సత్య కుమార్ యాదవ్.
పంట నష్టపోయిన రైతులను ఆదుకుంటా-మంత్రి సత్య కుమార్ యాదవ్.
న్యూ తెలుగు/ధర్మవరం (శ్రీ సత్య సాయి జిల్లా) : అకాల వర్షాల కారణంగా పంటలు నష్టపోయిన రైతులను ఆదుకుంటామని రాష్ట్ర వైద్య ఆరోగ్యశాఖ మంత్రి సత్య కుమార్ యాదవ్ పేర్కొన్నారు. ఇటీవల కురిసిన భారీ వర్షాల కారణంగా ధర్మవరం చెరువు తోపాటు గోట్లూరు చెరువు, కనగని పల్లి చెరువులు ఏర్లు పొంగిపొర్లుతున్న చెరువుల్ని పర్యవేక్షించిన మంత్రి సత్య కుమార్ కార్యాలయ సిబ్బంది, అలాగే ధర్మవరం మండలం నడిమిగడ్డపల్లి తండాలో వి.అప్పనాయక్ అనే రైతు 5 ఎకరాలలో సాగుచేసిన ద్రాక్ష తోట, దర్శనమల, ఏలుకుంట్ల, ముదిగుబ్బ, నర్సింపల్లిలలో నిన్న రాత్రి కురిసిన భారీ వర్షానికి చాలావరకు పంట నష్టం వాటిలిందని మంత్రి కార్యాలయ సిబ్బంది రాష్ట్ర అభివృద్ధి కొరకై ఢిల్లీ పర్యటనలో ఉన్న మంత్రి సత్య కుమార్ యాదవ్ కు తెలియజేయడంతో ఆయన వెంటనే స్పందిస్తూ సంబంధిత అధికారులతో ఫోన్లో సంప్రదింపులు జరిపి ఈ వర్షాల కారణంగా ఎటువంటి ప్రాణ నష్టం,ఆస్తి నష్టం కలగకుండా చూడాలని అధికారులను కోరారు, అలాగే పలుచోట్ల రైతులు సాగుచేసిన పంటలు తీవ్రంగా దెబ్బ తినడంతో, నష్టపోయిన రైతుల వివరాలు సేకరించి వారందరికీ ప్రభుత్వం తరఫున ఆదుకుంటామని మంత్రిగారు హామీ ఇచ్చారు.(Story:అకాల వర్షాలపై స్పందించిన మంత్రి సత్య కుమార్ యాదవ్)
