జూడో పోటీలకు ఎంపికైన చిగిచెర్ల ప్రభుత్వ పాఠశాల విద్యార్థులు
హెడ్మాస్టర్ తిమ్మారెడ్డి
న్యూస్ తెలుగు/ ధర్మవరం (శ్రీ సత్య సాయి జిల్లా) : రాష్ట్రస్థాయి అండర్ 14 జూడో పోటీలకు ధర్మవరం మండల పరిధిలోని చిగిచెర్ల ప్రభుత్వ పాఠశాల విద్యార్థులు ఎంపిక కావడం జరిగిందని పాఠశాల హెచ్ఎం. తిమ్మారెడ్డి, ఫిజికల్ డైరెక్టర్ ప్రతాప్ రెడ్డి తెలిపారు. ఈ సందర్భంగా వారు మాట్లాడుతూ ఈనెల 19వ తేదీ అనంతపురంలో జరిగిన ఉమ్మడి జిల్లా ఎంపిక పోటీలలో యశ్వంత్ 35 కేజీల విభాగంలో, అదేవిధంగా విక్రాంత్ 40 కేజీల విభాగంలో, అఫ్జల్ మేహారాజ్ 50 కేజీల విభాగంలో, కావ్య శ్రీ 44 కేజీల పైబడిన విభాగంలో ప్రథమ స్థానం సాధించడం జరిగిందన్నారు. ఈనెల 22వ తేదీ నుంచి తిరుపతిలో జరిగే రాష్ట్రస్థాయి జూడో పోటీలకు వీరు వెళ్ళనున్నారని వారు తెలిపారు. అనంతరం హెచ్ఎం తో పాటు ఫిజికల్ డైరెక్టర్, పాఠశాల ఉపాధ్యాయులు, పాఠశాల కమిటీ అభినందన శుభాకాంక్షలు తెలియజేశారు.
