మంచి అలవాట్లు మంచి మార్గదర్శకమును ఇస్తాయి
కరెస్పాండెంట్ నిర్మల జయచంద్ర రెడ్డి
న్యూస్ తెలుగు /ధర్మవరం (శ్రీ సత్య సాయి జిల్లా) : మంచి అలవాట్లు భవిష్యత్తులో మంచి మార్గదర్శకమును ఇస్తాయి అని కరెస్పాండెంట్ నిర్మల జయచంద్ర రెడ్డి తెలిపారు. ఈ సందర్భంగా పట్టణంలోని కాకతీయ విద్యా నికేతన్ లో ఉపాధ్యాయ దినోత్సవం వేడుకలు ఘనంగా నిర్వహించుకున్నారు. సర్వేపల్లి రాధాకృష్ణ చిత్రపటానికి పూలువేసి విద్యార్థులు, ఉపాధ్యాయ బృందం ఘనంగా నివాళులర్పించారు. సర్వేపల్లి రాధాకృష్ణన్ చేసిన విశిష్ట సేవలను వారు కొనియాడారు. అనంతరం పలు సాంస్కృతిక కార్యక్రమాలు అందరినీ ఆకట్టుకున్నాయి. ఈ కార్యక్రమంలో డైరెక్టర్లు సూర్యప్రకాశ్ రెడ్డి, ఉపాధ్యాయులు పాల్గొన్నారు. (Story : మంచి అలవాట్లు మంచి మార్గదర్శకమును ఇస్తాయి)
