కండ్ల కలక నివారణకు ఏం చేయాలి?
కళ్లకలక నివారణకు ఎల్వీపీఐఐ సూచనలు
హైదరాబాద్‌: కంజక్టివిటిస్‌ లేదా కళ్లకలక వ్యాధి సోకిన వ్యక్తితో పరిచయం, వ్యాధి సోకిన వ్యక్తి ఉపయోగించిన వస్తువులను తాకడం, దగ్గు, తుమ్ముల ద్వారా ఈ వ్యాధి సులభంగా ఇతరులకు వ్యాపిస్తుంది. ఈ వ్యాధి నివారణకు ఎల్‌వి ప్రసాద్‌ ఐ ఇనిస్టిట్యూట్‌ (హైదరాబాద్‌) కొన్ని సూచనలు చేసింది. శుభ్రత పాటించడం, సబ్బు, నీటితో తరచుగా చేతులు కడుక్కోవాలని, డోర్‌ నాబ్‌లు, కౌంటర్‌ టాప్‌లు,ఎలక్ట్రానిక్‌ వస్తువుల వంటి తరచుగా తాకిన ఉపరితలాలను క్రిమిసంహారకం చేయాలని, బహిరంగ ప్రదేశాల్లో సామాజిక దూరం పాటించాలని కోరింది. అలాగే, కన్ను తీవ్రంగా నొప్పి పెట్టడం, కాంతిని భరించలేకపోవడం, దృష్టి అస్పష్టంగా ఉండడం లేదా గొంతు నొప్పి/జ్వరంతో పాటు ఏవైనా సంబంధిత లక్షణాలు కనిపిస్తే, చికిత్స కోసం వెంటనే ఆప్తల్మాలజిస్ట్‌ (కంటి వైద్యుడు)ని సంప్రదించాలని, ప్రొఫిలాక్టిక్‌ యాంటీబయాటిక్స్‌/స్టెరాయిడ్స్‌లను ఉపయోగించవద్దు అని, రిలీఫ్‌,లూబ్రికేషన్‌ కోసం ప్రిజర్వేటివ్‌ లేని ఆర్టిఫిషియల్‌ టియర్స్‌ను ఉపయోగింలని ఎల్వీపీఐఐ ఒక ప్రకటనలో పేర్కొంది.
వైరల్‌ కంజక్టివిటిస్‌ (పింక్‌ ఐ) లేదా కళ్ల కలకను నిరోధించడంలో (సీఓఎన్‌టీఏఐఎన్‌) మార్గదర్శకాలను అనుసరించండి
కంజక్టివిటిస్‌ లేదా కళ్ల కలక వ్యాధి సోకిన వ్యక్తితో పరిచయం, వ్యాధి సోకిన వ్యక్తి ఉపయోగించిన వస్తువులను తాకడం మరియు దగ్గు మరియు తుమ్ముల ద్వారా ఈ వ్యాధి సులభంగా ఇతరులకు వ్యాపిస్తుంది.
మీరు ఈ క్రింది దశలను అనుసరించడం ద్వారా వ్యాధి సంక్రమణను లేదా ప్రసార ప్రమాదాన్ని తగ్గించవచ్చు (సీఓఎన్‌టీఏఐఎన్‌).
సీ – క్లీన్‌ (శుభ్రత పాటించడం)
– సబ్బు మరియు నీటితో తరచుగా చేతులు కడుక్కోండి / శానిటైజ్‌ చేయండి
– డోర్‌ నాబ్‌లు, కౌంటర్‌ టాప్‌లు మరియు ఎలక్ట్రానిక్‌ వస్తువుల వంటి తరచుగా తాకిన ఉపరితలాలను క్రిమిసంహారకం చేయండి
– బహిరంగ ప్రదేశాల్లో సామాజిక దూరంను పాటించాలి
ఓ – అప్తల్మాలజీ కన్సల్టేషన్‌ (నేత్ర వైద్యుని సంప్రదించడం)
కన్ను తీవ్రంగా నొప్పి పెట్టడం, కాంతిని భరించలేకపోవడం, దృష్టి అస్పష్టంగా ఉండడం లేదా గొంతు నొప్పి / జ్వరంతో పాటు ఏవైనా సంబంధిత లక్షణాలు కనిపిస్తే, చికిత్స కోసం వెంటనే ఆప్తల్మాలజిస్ట్‌ (కంటి వైద్యుడు)ని సంప్రదించండి.
ఎన్‌ – నో ప్రొపిలాక్సిస్‌ (నిరోధితలు వాడవద్దు)
ప్రొఫిలాక్టిక్‌ యాంటీబయాటిక్స్‌ / స్టెరాయిడ్స్‌లను ఉపయోగించవద్దు
టీ – టియర్‌ సబ్‌స్టిట్యూట్స్‌ (కన్నీటి ప్రత్యామ్నాయాలు)
– రిలీఫ్‌ మరియు లూబ్రికేషన్‌ కోసం ప్రిజర్వేటివ్‌ లేని ఆర్టిఫిషియల్‌ టియర్స్‌ను ఉపయోగించండి.
ఏ – ఎవాయిడ్‌ (నివారించండి)
– మీ కళ్లను తాకడం లేదా రుద్దడం చేయవద్దు
– మీ వ్యక్తిగత వస్తువులను ఇతరులతో పంచుకోవద్దు(ఉదా. తువ్వాలు, వాష్‌క్లాత్‌లు, ఐ డ్రాప్స్‌ లేదా మేకప్‌)
– ఇన్ఫెక్షన్‌ తగ్గే వరకు కాంటాక్ట్‌ లెన్సులు ధరించడం లేదా ఈత కొట్టడం చేయవద్దు
ఐ – ఐసోలేషన్‌
– వ్యాధి సోకినట్లయితే, మిమ్మల్ని మీరు ఐసోలేట్‌ చేసుకోండి మరియు ఇతరులతో సన్నిహితంగా ఉండకండి – దగ్గినప్పుడు లేదా తుమ్మినప్పుడు మీ నోరు మరియు ముక్కును మాస్క్‌తో కప్పుకోండి
ఎన్‌ – నెక్స్‌ట్‌ ఫాలో అప్‌ ఇన్‌ 2 వీక్స్‌ (2 వారాల్లో తదుపరి ఫాలో-అప్‌)
– చికిత్స తీసుకున్న రెండు వారాల తర్వాత కంటి పరీక్ష కోసం మీ నేత్ర వైద్యుడిని సందర్శించండి
డిస్‌క్లైమర్‌ : ఇవి సాధారణ మార్గదర్శకాలు మరియు మీకు కండ్లకలక/పింక్‌ ఐ ఉన్నట్లు మీరు అనుమానించినట్లయితే, వ్యక్తిగతీకరించిన సలహా మరియు చికిత్స కోసం మీరు తప్పనిసరిగా వైద్యుని సంప్రదించాలి. (Story: కండ్ల కలక నివారణకు ఏం చేయాలి?)
ఎల్‌ వి ప్రసాద్‌ ఐ ఇనిస్టిట్యూట్‌, హైదరాబాద్‌.
