సీతం కళాశాలలో మట్టి గణపతి విగ్రహాలు పంపిణీ
న్యూస్‌తెలుగు/విజయనగరం : స్థానిక గాజులరేగ పరిధిలో గల సీతం కళాశాలలో వినాయకచవితి సందర్భంగా పర్యావరణ హితముగా మట్టి గణపతి విగ్రహాలను పంపిణీ చేశారు. కళాశాల డైరెక్టర్ డా: మజ్జి శశిభూషణరావు ప్రజలకు పర్యావరణ పరిరక్షణకు తమవంతు భాధ్యతగా అందరు మట్టి గణపతి విగ్రహాలను పూజించాలనే ఉద్దేశముతో 1500 మట్టి విగ్రహాలను, వినాయక వ్రతకల్ప పూజా పుస్తకాలను కళాశాల సిబ్బందికి, విద్యార్థులకు పంచిపెట్టారు. సుఖసంతోషాలతో అందరు ఈ వినాయకచవితిని జరుపుకోవాలని ఆకాంక్షించారు. దీనిలో భాగంగా మట్టి విగ్రహాలను పూజిద్దాము పర్యావరణాన్ని రక్షిద్దాం అని అందరు నినాదాలు చేసారు.ఈ కార్యక్రమంలో కళాశాల ప్రిన్సిపల్ డా: డి. వి. రామమూర్తి, వివిధ విభాగాధిపతులు, అధ్యాపకులు, ఇతర సిబ్బంది మరియు విద్యార్థులు పాల్గొన్నారు. (Story : సీతం కళాశాలలో మట్టి గణపతి విగ్రహాలు పంపిణీ )
