ఏపీ అసెంబ్లీ: గవర్నర్‌ ప్రసంగం హైలైట్స్‌!

February 24, 2025

58

ఏపీ అసెంబ్లీ: గవర్నర్‌ ప్రసంగం హైలైట్స్‌!

న్యూస్‌తెలుగు/అమ‌రావ‌తి: ఆంధ్రప్రదేశ్‌ అసెంబ్లీ బడ్జెట్‌ సమావేశాలు సోfమవారం నుంచి ప్రారంభమయ్యాయి. ఉభయసభలను ఉద్దేశించి గవర్నర్‌ అబ్దుల్‌ నజీర్‌ ప్రసంగించారు. గ‌వ‌ర్న‌ర్ ప్ర‌సంగంలోని ముఖ్యాంశాలు..

* ఎన్నికల్లో ప్రజలు తమ ప్రభుత్వానికి తిరుగులేని మెజారిటీ ఇచ్చారు,
* ప్రజలు కోరిక మేరకు కూటమి ప్రభుత్వం ఏర్పాటైంది.
* ఐదేళ్లలో రాష్ట్రం అనేక ఇబ్బందులకు గురైంది.
* సూపర్‌ సిక్స్‌ పథకాల ద్వారా ప్రజలకు మేలు చేస్తున్నాం.
* అధికారంలోకి వచ్చిన వెంటనే ల్యాండ్‌ టైట్లింగ్‌ యాక్ట్‌ రద్దు చేశాం.
* అన్నక్యాంటీన్లు తెచ్చి పేదల ఆకలి తీరుస్తున్నాం.
* కూటమి ప్రభుత్వం వచ్చాక రాష్ట్రాన్ని గాడిలో పెడుతున్నాం.
* వైసీపీ ప్రభుత్వ పాలనలో రాష్ట్రం ఎంతో నష్టపోయింది.
* ప్రతినెలా ఒకటో తేదీనే ఇంటికి వెళ్లి ల‌బ్ధిదారుల‌కు పెన్షన్ అందిస్తున్నాం.
* పెన్షన్లు రూ. 4 వేలకు పెంచాం.
* కూటమి ప్రభుత్వంలో తలసరి ఆదాయం పెరిగింది.
* అవకాశాలిస్తే ప్రతి ఒక్కరూ మెరుగైన సేవలు అందిస్తారు.
* 2047 నాటికి స్వర్ణాంధ్ర కలను సాకారం చేస్తాం.
* పేద విద్యార్థులకు ఉపకారవేతనాలు, విద్య, వైద్యం అందజేస్తున్నామన్నాం.
* మౌలికవసతులపై ప్రత్యేక దృష్టి సారించాం.
* బీసీ వర్గాల ఉన్నతి కోసం ప్రత్యేక కార్యక్రమాలు చేపట్టాం.
* స్థానిక సంస్థలు, నామినేటెడ్‌ పోస్టుల్లో బీసీలకు 34 శాతం రిజర్వేషన్లు కల్పించాం.
* ఏడాదికి 2 గ్యాస్‌ సిలిండర్లు ఉచితంగా ఇస్తున్నాం.
* పోలవరం ప్రాజెక్టును పట్టాలెక్కించాం.
* స్టీల్‌ ప్లాంట్‌ ప్రైవేటీకరణ ఆగిపోయింది.
* అర్హులైన పేదలందరికీ సొంతిల్లు ఉండాలనేది మా ఆకాంక్ష.
* ప్రతి కుటుంబానికి రక్షిత తాగునీరు, విద్యుత్‌ అందజేస్తున్నాం.
* ఐటీ నుంచి ఏఐ రివల్యూషన్‌ దిశగా ప్రభుత్వం అడుగులు వేస్తోంది.
* సంక్షేమం, అభివృద్ధి సమన్వయం చేసుకుంటున్నాం.
* ఎన్టీఆర్‌ వైద్యసేవా ట్రస్ట్‌ ద్వారా పేదలకు మెరుగైన వైద్య సేవలు అందజేస్తున్నాం.
* మన బడి- మన భవిష్యత్తు ద్వారా స్కూల్స్‌లో మౌలిక వసతులు కల్పిస్తున్నాం.
* పీ-4 విధానం ద్వారా మౌలిక వసతులు ఏర్పాటు చేస్తున్నాం.
* మెరిట్‌ ఆధారంగా 9 యూనివర్సిటీలకు వీసీలను నియమించాం.
* స్థానిక సంస్థల్లో పోటీకి ఇద్దరు పిల్లలే ఉండాలన్న నిబంధన ఎత్తివేశాం.
* కూటమి ప్రభుత్వం వచ్చాక పారిశ్రామికవేత్తలను ఆహ్వానించాం.
* ఐటీఐలు, పాలిటెక్నిక్‌ల్లో 200 స్కిల్‌ హబ్‌లు ఏర్పాటు చేశాం.
* తల్లికి వందనం పథకాన్ని తీసుకువస్తున్నాం
* తొలిసారిగా స్కిల్‌ సెన్సెన్స్‌ నిర్వహిస్తున్నాం.
* ప్రతి ఇంటికి ఓ వ్యాపారవేత్త ఉండాలనేది మా లక్ష్యం.
* దేశంలోనే ఐటీలో ఏపీని టాప్‌లో నిలిపేలా కొత్త ఐటీ పాలసీ తీసుకొచ్చాం.
* ఉద్యోగాలు, నైపుణ్య హబ్‌గా ఏపీని మార్చేలా ప్రయత్నం చేస్తున్నాం.
* వైసీపీ ప్రభుత్వం నిలిపిన 93 కేంద్ర పథకాల్లో 74 పునరుద్ధరించాం.
* నీటిపారుదల, రోడ్ల సంబంధిత రూ.10,125 కోట్ల బిల్లులు క్లియర్‌ చేశాం.
* ఎస్సీ, ఎస్టీలకు 200 యూనిట్ల వరకు ఉచిత విద్యుత్‌ ఇస్తున్నాం.
* భూగర్భ జలాలు పెంచేందుకు చర్యలు తీసుకుంటున్నాం.
* వెలిగొండను త్వరలోనే పూర్తి చేస్తాం.
* 48 గంటల్లోనే ధాన్యం కొనుగోళ్లకు డబ్బులు చెల్లిస్తున్నాం.
* 10 పోర్టులను అంతర్జాతీయ పోర్టులుగా అభివృద్ధి చేస్తున్నాం.
* 2027 నాటికి పోలవరం ప్రాజెక్టు పూర్తి చేస్తాం.
* పోలవరం- బనకచర్ల పూర్తయితే రాయలసీమలో కరువు ఉండదు.
* రాష్ట్రంలో సూర్య ఘర్‌ యోజన కింద సోలార్‌ ప్యానెల్స్‌ ఏర్పాటు చేశాం.
* మా ప్రభుత్వ చర్యలతో టూరిజంలో పెట్టుబడులు పెరిగాయి.
* ఎమ్‌ఎస్‌ఎమ్‌ఈలకు అండగా ఉన్నాం. అన్ని విధాలా ప్రోత్సహిస్తున్నాం.
* యువతకు ఉపాధి కల్పించే దిశగా ప్రభుత్వం అనేక చర్యలు తీసుకుంటోంది.
* వైసీపీ పాలనలో రాష్ట్రం ఆర్థిక పతనం అంచుకు చేరింది.
* రాష్ట్రానికి జరిగిన నష్టంపై 7 శ్వేతపత్రాల ద్వారా ప్రజలకు తెలిపాం.
* వైసీపీ పాలనలో వనరుల మళ్లింపు, భారీగా సహజవనరుల దోపిడీ జరిగింది.
* 2029 నాటికి విశాఖలో 46 కి.మీ మెట్రో నిర్మాణం జరుగుతుంది
* విజయవాడలో 38.40 కి.మీ మెట్రో రైల్‌ నిర్మాణం చేపట్టనున్నాం.
* ఎనర్జీ రంగంలో 7.5 లక్షల ఉద్యోగాల కల్పనే లక్ష్యం.
* 3 నెలల్లోనే 17,605 కిలో మీటర్ల రోడ్లకు మరమ్మతులు చేపట్టాం.
* 2025-26లో విద్యుత్‌ ఛార్జీల పెరుగుదల ఉండదు.
* 20 లక్షల ఎస్సీ, ఎస్టీ కుటుంబాలకు ఉచితంగా రూఫ్‌టాప్‌ సోలార్‌ ఏర్పాటు చేశాం.
* రైతులకు పగటిపూట 9 గంటల ఉచిత విద్యుత్‌ అందించేలా వ్యవసాయ ఫీడర్ల సోలరైజేషన్‌ ఏర్పాటు చేశాం. (Story: ఏపీ అసెంబ్లీః గవర్నర్‌ ప్రసంగం హైలైట్స్‌!)