నేటి ప్రపంచానికి చార్టెడ్ అకౌంటెంట్ చాలా ముఖ్యం
కళాశాల ప్రిన్సిపాల్ హర్షవర్ధన్
న్యూస్ తెలుగు /ధర్మవరం (శ్రీ సత్య సాయి జిల్లా) : ;నేటి ఉరుకుల పరుగుల జీవితంలో సంపాదన కోసం ఎన్నో దారులు ఉన్నాయని,సంపాదన పరిమితి దాటిన తరువాత పన్ను చెల్లించాల్సి ఉంటుంది అని,వాటి గురించిన సమగ్ర విశ్లేషకుడు చార్టెడ్ అకౌంటెంట్ అని వివేకానంద డిగ్రీ కళాశాల ప్రిన్సిపాల్ హర్ష వర్ధన్ తెలిపారు. స్థానిక రేగాటిపల్లె రోడ్డు నందు గల శ్రీ వివేకానంద డిగ్రీ కళాశాల నందు గుంటూరు మాస్టర్మైండ్స్ కళాశాల వారిచే చార్టెడ్ అకౌంటెంట్ యొక్క విశిష్టతను కళాశాల డైరెక్టర్ బాలం లక్ష్మీనారాయణ రెడ్డి, కరస్పాండెంట్ భాస్కర్ రెడ్డి ల ఆధ్వర్యంలో అవగాహన సదస్సును నిర్వహించారు. ఈ సందర్భంగా వారు మాట్లాడుతూ ప్రపంచ వ్యాప్తంగా నిపుణుడైన చార్టెడ్ అకౌంటెంట్ ల కొరత తీవ్రంగా ఉన్నదని,ఇది చాలా విచారించదగ్గ విషయం అని వారు తెలిపారు. మాస్టర్మైండ్స్ కళాశాల ప్రతినిధులు మాట్లాడుతూ డిగ్రీ పూర్తి చేసిన తర్వాత కూడా సిఎ లేదా సిఎంఎ చేయచ్చునని ఆసక్తి గలవారు తమను సంప్రదిస్తే తప్పకుండా అవగాహన కల్పించి నిపుణులుగా తీర్చిదిద్దుతామని వారు తెలిపారు. కార్యక్రమంలో కళాశాల కామర్స్ విభాగాధిపతి కృష్ణయ్య,అధ్యాపకులు నరేష్,కళాశాల ఏవో రమేష్,విద్యార్థులు పాల్గొన్నారు. (Story : నేటి ప్రపంచానికి చార్టెడ్ అకౌంటెంట్ చాలా ముఖ్యం)
