‘చౌర్య పాఠం’ అందరినీ ఎంటర్ టైన్ చేస్తుంది
హీరో ఇంద్ర రామ్
మీ నేపధ్యం ఏమిటి? ఈ సినిమా ఎలా మొదలైయింది ?
-మాది విజయవాడ. అక్కడే చదువుకున్నాను. ఢిల్లీ యూనివర్శిటీ ఇంజనీరింగ్ చేశాను. చదువుతో పాటు జిమ్నాస్టిక్స్ డ్యాన్స్ నేర్చుకున్నాను. సినిమాలు అంటే చిన్నప్పటి నుంచి ఇష్టం. ఆ ఇంట్రస్ట్ ఇటు వైపు తీసుకొస్తుందని భావిస్తున్నాను. నక్కిన గారు ఈ ప్రొడక్షన్ హౌస్ పెడుతున్నారని తెలిసి ఆయన్ని కలిశాను. అలా ఈ జర్నీ మొదలైయింది. ఈ సినిమాలో కథే మెయిన్ హీరో. ఈ సినిమాని హానెస్ట్ గా చేశాం. నక్కిన త్రినాథ్ గారు చాలా పాషన్ తో ఈ సినిమాని నిర్మించారు. ఈ సినిమా ప్రమోషన్స్ లో కూడా ఆయన యాక్టివ్ గా వుంటున్నారు.
-ఇది రెగ్యులర్ ఫిల్మ్ కాదు. కథా రచయిత కార్తిక్ వాళ్ళ ఫాదర్ ఐజి గా పని చేశారు. ఇలాంటి కేసుని ఆయన టేకాఫ్ చేశారు. ఒక వీధిలో బ్యాంక్ వుంటే మరో వీధిలో రూమ్ ని తీసుకొని అక్కడ నుంచి టన్నల్ తవ్వి బ్యాంక్ లోకి చొరబడ్డ సంఘటన జరిగింది. దానికి ఫిక్షన్ జోడించి ఈ సినిమాని చేయడం జరిగింది.
ఈ సినిమా కోసం ఎలాంటి హోం వర్క్ చేశారు?
-చాలా హోం వర్క్ చేశాం. ఇలాంటి సినిమా చేయడానికి ఎలాంటి రిఫరెన్స్ వుండదు. ఆర్ట్ డైరెక్టర్ నాగేంద్ర ఈ సినిమాలో టన్నల్స్ క్రియేట్ చేయడానికి చాలా కేర్ తీసుకున్నారు. ఇదొక డిఫరెంట్ వరల్డ్. చాలా కష్టపడ్డాం. అది స్క్రీన్ పై కనిపిస్తుంది. ఇందులో ఒక ఫిక్షనల్ విలేజ్ ని క్రియేట్ చేయడం జరిగింది.
-ఇది చాలా డిఫరెంట్ జోనర్ సినిమా. అవుట్ పుట్ అద్భుతంగా వచ్చింది. ఖచ్చితంగా సినిమా ప్రేక్షకులకు నచ్చుతుందనే నమ్మకం వుంది.
రాజీవ్ కనకాల గారి క్యారెక్టర్ ఎలా ఉండబోతోంది ?
-రాజీవ్ కనకాల గారికి సినిమా కంటెంట్ చాలా నచ్చింది. ఇందులో ఆయన పాత్ర కూడా స్ట్రాంగ్ గా వుంటుంది. ఆయన కూడా సినిమా ప్రమోషన్స్ లో పార్ట్ కావడం ఆనందంగా వుంది.
ఇంతకుముందు ఏమైనా సినిమాలు చేశారు?
-నాకు రామ్ గోపాల్ వర్మ గారు ఇష్టం. సినిమా అవకాశం కోసం ఆయన దగ్గరికి వెళ్లాను. వంగవీటి సినిమా సమయంలో ఓ క్యారెక్టర్ ఇచ్చారు. అలాగే దర్శకుడు అజయ్ భూపతితో నాకు జర్నీ వుంది. ఆర్ఎక్స్ 100 నేను చేయల్సిన సినిమా. కానీ కొన్ని కారణాల వలన కుదరలేదు. కార్తికేయ అద్భుతంగా చేశాడు.
-నేను హీరోగానే కాకుండా కీ రోల్స్ చేయడానికి కూడా సిద్ధం. మంచి యాక్టర్ అనిపించుకోవడమ నా లక్ష్యం.
హీరోయిన్ పాయల్ రాధకృష్ణ గురించి?
-పాయల్ కి తెలుగు వచ్చు. దాంతో వర్క్ చేయడం ఇంకా ఈజీ అయ్యింది. తను మంచి యాక్టర్. ఇందులో తన పెర్ఫార్మెన్స్ అందరినీ ఆకట్టుకుంటుంది.
డైరెక్టర్ నిఖిల్ గురించి?
-డైరెక్టర్ నిఖిల్ చాలా క్లియర్ విజన్ వున్న డైరెక్టర్. ప్రతిది పర్ఫెక్ట్ గా రాసుకున్నారు. ప్రతిది ప్లాన్డ్ గా తీశారు.
-ఈ సినిమాకి విజయ సేతుపతి గారు, నాగచైతన్య గారు, వరుణ్ తేజ్ అన్న అందరూ సపోర్ట్ చేశారు. అలాగే సజ్జనార్ గారి ఇంటర్వ్యూ కూడా చాలా హెల్ప్ అయ్యింది.
-విజయ సేతుపతి గారు ట్రైలర్ చూసి సినిమాని తమిళ్ లో రిలీజ్ చేయమని చెప్పారు. దాదాపు అరగంట పాటు నాతో మాట్లాడారు. ఆయన ఇచ్చిన ప్రోత్సాహంతో తమిళ్ లో కూడా ఈ సినిమాని రిలీజ్ చేస్తున్నాం.
నిర్మాత త్రినాథ్ నక్కిన గురించి?
– త్రినాథ్ గారు సినిమాకి కావాల్సిన ప్రతిది ఫుల్ ఫ్లెడ్జ్ గా ఇచ్చారు. ఎక్కడా కాంప్రమైజ్ కాలేదు.
-ఏసియన్ సునీల్ గారు సినిమా ట్రైలర్ కంటెంట్ నచ్చి వాళ్ళే రిలీజ్ చేస్తున్నారు. ఈ రోజు బుకింగ్స్ ఓపెన్ చేస్తున్నాం.
-కోర్ట్, కమిటీ కుర్రాళ్లు సినిమాలు కూడా కొత్త వారితో తీసినవే. అవి మంచి విజయాల్ని సాధించాయి. ఈ సినిమా కూడా అలాంటి సక్సెస్ అవుతుందనే నమ్మకం వుంది. సెన్సార్ సభ్యులు సినిమాని అప్రిషియేట్ చేయడం చాలా ఆనందాన్ని ఇచ్చింది.
ఆల్ ది బెస్ట్
-థాంక్ (Story:’చౌర్య పాఠం’ అందరినీ ఎంటర్ టైన్ చేస్తుంది)
