ఈనెల 8న పాలిటెక్నిక్ కళాశాలలో జాబ్ మేళా నిర్వహణ
ప్రిన్సిపాల్ జేవి. సురేష్ బాబు
న్యూస్ తెలుగు /ధర్మవరం (శ్రీ సత్య సాయి జిల్లా) : పట్టణంలోని ప్రభుత్వ పాలిటెక్నిక్ కళాశాలలో ఈనెల 8వ తేదీన జాబ్ మేళాను నిర్వహిస్తున్నట్లు పాలిటెక్నిక్ కళాశాల జేవి. సురేష్ బాబు, ఏపీఎస్ఎస్డిసి జిల్లా నైపుణ్య అధికారి బి. హరికృష్ణ తెలిపారు. అనంతరం వారు మాట్లాడుతూ ఆంధ్రప్రదేశ్ రాష్ట్ర నైపుణ్యాభివృద్ధి సంస్థ, ప్రభుత్వ పాలిటెక్నిక్ కళాశాల ఆధ్వర్యంలో జిల్లాలో ఉన్న నిరుద్యోగ యువతీ యువకుల కొరకు ఈ జాబ్ మేళా కార్యక్రమాన్ని ఉదయం 9 గంటలకు నిర్వహించడం జరుగుతున్నదని తెలిపారు. రెండు కంపెనీల కొరకు ఉద్యోగమేల నిర్వహిస్తున్నామని, పదవ తరగతి, ఇంటర్, డిప్లమా, డిగ్రీ, పోస్ట్ గ్రాడ్యుయేట్ పూర్తి చేసి, 18 నుంచి 30 సంవత్సరాలలోపు ఉన్న వారు మాత్రమే అర్హులని తెలిపారు. నెలకు 15వేల రూపాయల నుండి 25 వేల రూపాయల వరకు జీతం ఉంటుందని తెలిపారు. ఈ జాబ్ మేళాలో ఎంపికైన వారు అనంతపురం, బెంగళూరులో ఉద్యోగం చేయవలసి ఉంటుందని తెలిపారు. ఇంటర్వ్యూకు హాజరయ్యే అభ్యర్థులు తమ బయోడేటా తో పాటు ఆధార్ కార్డు విద్యా అర్హత పత్రాలు తీసుకొని రావాలని తెలిపారు. ఈ అవకాశాన్ని నిరుద్యోగులు సద్వినియోగం చేసుకోవాలని తెలిపారు. మరిన్ని వివరాలకు సెల్ నెంబర్ 9182288465 కు సంప్రదించాలని తెలిపారు. (Story : ఈనెల 8న పాలిటెక్నిక్ కళాశాలలో జాబ్ మేళా నిర్వహణ)
