వివిధ రూపాల అలంకరణలో భక్తాదులకు దర్శనం

వివిధ రూపాల అలంకరణలో భక్తాదులకు దర్శనం

న్యూస్ తెలుగు /ధర్మవరం (శ్రీ సత్య సాయి జిల్లా) : పట్టణములోని సాలే వీధిలో గల పెద్దమ్మ తల్లి ఆలయంలో పదవరోజు అమ్మవారు పెద్దమ్మతల్లి అలంకరణలో భక్తులకు దర్శనమిచ్చారు. అనంతరం పట్టణంలో గ్రామసభ కార్యక్రమాన్ని కూడా నిర్వహించారు. కమిటీ దాతల సహాయ సహకారాలతో ఈ కార్యక్రమాన్ని నిర్వహిస్తున్నట్లు కమిటీ వారు తెలిపారు. పట్టణంలోని సాలే వీధిలో గల అంబా భవాని దేవాలయంలో 10వ రోజు అమ్మవారు స్వర్ణ కవచ అలంకరణములో భక్తాదులకు దర్శనమిచ్చారు. ఈ నిర్వహణ స్వకుల సాలే సమాజము, స్వకుల సాలే మహిళా మండలి, అంబా భవాని దేవి ఆలయ కమిటీ ఆధ్వర్యంలో నిర్వహించారు. పట్టణములోని యాదవ వీధిలో గల గాయత్రీ దేవాలయంలో 10వ రోజు అమ్మవారు గాయత్రీ దేవి అలంకరణములో భక్తాదులకు దర్శనమిచ్చారు. ఈ వేడుకలు దాతలు, భక్తాదులు, ఆలయ కమిటీ ఆధ్వర్యంలో నిర్వహించారు. ఈ కార్యక్రమంలో అర్చక సంక్షేమ సంఘం, గాయత్రి బ్రాహ్మణ సేవా సంఘం, వేద మాత గాయత్రీ దేవి ఆలయ కమిటీ వారు నిర్వహించారు. (Story : వివిధ రూపాల అలంకరణలో భక్తాదులకు దర్శనం)