తెలంగాణ పీసీసీ అధ్య‌క్షునిగా మహేష్ గౌడ్
న్యూస్ తెలుగు/హైద‌రాబాద్: తెలంగాణ ప్ర‌దేశ్ కాంగ్రెస్ క‌మిటీ (పీసీసీ) అధ్య‌క్షునిగా మ‌హేష్‌కుమార్ గౌడ్ నియ‌మితుల‌య్యారు. పీసీసీ అధ్య‌క్ష నియామ‌క ప‌త్రాల‌ను కాంగ్రెస్ హైక‌మాండ్ త‌ర‌పున కేసీ వేణుగోపాల్ విడుద‌ల చేశారు. గ‌త కొన్ని రోజులుగా పీసీసీ అధ్య‌క్ష ప‌ద‌విపై స‌స్పెన్స్ నెల‌కొన్న విష‌యం తెల్సిందే. బీసీ వ‌ర్గానికి చెందిన మహేష్ గౌడ్ ప్ర‌స్తుతం ఎమ్మెల్సీగా ఉన్నారు. గ‌తంలో ఆయ‌నకు పీసీసీ వ‌ర్కింగ్ ప్రెసిడెంట్‌గా ప‌నిచేసిన అనుభ‌వం ఉంది. 2023లో ఎన్నిక‌ల క‌మిటీ స‌భ్యునిగా కూడా ప‌నిచేశారు. మొద‌ట్నించీ కాంగ్రెస్‌పార్టీనే న‌మ్ముకొని ఉన్న మహేష్ గౌడ్ గౌడ కులానికి చెందిన వ్య‌క్తి. ముఖ్య‌మంత్రి రెడ్డి కులానికి చెందిన వ్య‌క్తి అయినందున పీసీసీ అధ్య‌క్ష ప‌ద‌విని బీసీకి ఇవ్వాల‌ని కాంగ్రెస్ హైక‌మాండ్ తీసుకున్న నిర్ణ‌యాన్ని తెలంగాణ కాంగ్రెస్ నాయ‌కులు హ‌ర్షించారు. (Story: తెలంగాణ పీసీసీ అధ్య‌క్షునిగా మహేష్ గౌడ్)
