హెచ్ఐవిపై అవగాహన స‌ద‌స్సు
న్యూస్‌తెలుగు/ సింగరాయకొండ : ఆంద్రప్రదేశ్ రాష్ట్ర ఎయిడ్స్ నియంత్రణ సంస్థ వారి ఆదేశముల మేరకు ప్రకాశం జిల్లా సింగరాయకొండ మండలంలోని డ్యాప్క్యు లీడ్ ఎన్జీవో – మదర్ ల్యాండ్ సొసైటీ ఆధ్వర్యంలో గురువారం నాడు శ్రీ పొట్టి శ్రీరాములు నెల్లూరు జిల్లా కందుకూరు మండలంలోని క్రాంతి నగర్ కాలనీలో రోజువారి కూలీలకు “మీకు తెలుసా?” హెచ్.ఐ.వి/ఎయిడ్స్ పై అవగాహనా కార్యక్రమాన్ని నిర్వహించడం జరిగింది. ఇందులో భాగంగా మదర్ ల్యాండ్ సొసైటీ ప్రాజెక్ట్ మేనేజర్ ఆర్.శ్రీనివాసరావు మాట్లాడుతూ హెచ్.ఐ.వి/ఎయిడ్స్ వ్యాధి ఎలా వస్తుంది, హెచ్.ఐ.వి/ఎయిడ్స్ రాకుండా ఎటువంటి జాగ్రత్తలు తీసుకోవాలి, హెచ్.ఐ.వి/ఎయిడ్స్ వ్యాధిగ్రస్తుల పట్ల వివక్షత, చిన్న చూపు లేకుండా ఎలాగా సమాజములో కలసి మెలసి ఉండాలనీ, హెచ్.ఐ.వి/ఎయిడ్స్ ఏక్ట్ 2017, ఎ ఆర్ టి మందులు,ఎ పి స్యాక్స్ యాప్, టోల్ ఫ్రీ నెంబర్ 1097 గూర్చి వివరించారు.ఈ కార్యక్రమంలో మదర్ ల్యాండ్ సొసైటీ సిబ్బంది కె.నాగమణి, ఎ.సుభాషిణి, ఎమ్. వెంకటరావు, వి.సునీత,కె.లావణ్య, టి.సుభాషిణి లు పాల్గొనడం జరిగింది. (Story : హెచ్ఐవిపై అవగాహన స‌ద‌స్సు)
