విజ‌య‌వాడ సీఆర్‌డీఏ అధికారికి సేవా పుర‌స్కారం
హైదరాబాద్: మోక్ష గ్లోబల్ ఫౌండేషన్ హైదరాబాద్ ఆధ్వ‌ర్యంలో జాతీయస్థాయి సేవారంగంలో, సాంస్కృతిక రంగంలో సేవలందించిన వారికి సోమ వారం సాయంత్రం 6.00 గంటలకు హైదరాబాద్ నగరంలోని రవీంద్ర భారతిలో అవార్డులు ప్రదానం చేశారు. గౌరవ ముఖ్య అతిధులు తెలంగాణ అసెంబ్లీ మాజీ స్పీకర్ మధుసూదనాచార్యులు, కేంద్ర మాజీ మంత్రి, పార్లమెంటు సభ్యులు సముద్రాల వేణుగోపాల ఆచారి, తెలంగాణ రాష్ట్ర బీసీ కమిషన్ చైర్మన్ ఆకుల భరణం మోహన్, దైవజ్ఞ శర్మ తదితరులు చేతుల మీదుగా వివిధ రంగాల్లో కృషి చేసిన, ఉచిత సేవలను అందించిన సుమారు 20 మందిని ఎంపిక చేసిన వారికి అవార్డుల‌ను ప్రదానం చేశారు. ఈ కార్యక్రమం లో భాగంగా విజ‌య‌వాడ సీఆర్‌డీఏ కార్యాల‌యంలో ప‌నిచేస్తున్న డిప్యూటీ ఇన్‌స్పెక్ట‌ర్ ఆఫ్ స‌ర్వే సొంగా రవీంద్ర ప్ర‌సాద్‌కు అవార్డు అంద‌జేశారు. సామాజిక సేవా త‌త్ప‌రుడు అయిన రవీంద్ర ప్ర‌సాద్ ఉచితంగా రక్తదాన సేవ చేసినందుకు గాను ఈ రంగంలో ఆయ‌న‌కు ఈ పుర‌స్కారం ద‌క్కింది. ఈ అవార్డుపై సొంగా రవీంద్రప్రసాద్ స్పందిస్తూ, త‌న‌కు స‌హ‌కారం అంద‌జేసిన కుటుంబ సభ్యులు, తోటి ఉద్యోగస్తులు, అధికారులు, అనధికారులు,స్నేహితులకు అభినందనలు తెలియచేశారు. భ‌విష్య‌త్‌లో మ‌రిన్ని కార్య‌క్ర‌మాలు చేప‌డ‌తాన‌ని తెలిపారు. (Story: విజ‌య‌వాడ సీఆర్‌డీఏ అధికారికి సేవా పుర‌స్కారం)
See Also:
