ఘనంగా నిర్వహించిన వైయస్ ఆర్ కాంగ్రెస్ పార్టీ ఆవిర్భావ దినోత్సవ వేడుకలు
న్యూస్ తెలుగు/వినుకొండ : మాజీ ఎమ్మెల్యే బొల్లా అసమ్మతి వర్గం.. చుండూరి వెంకటేశ్వర్లు ఆధ్వర్యంలో వైయస్సార్ కాంగ్రెస్ పార్టీ ఆవిర్భావ దినోత్సవ వేడుకలు నియోజకవర్గ వైయస్సార్ కాంగ్రెస్ పార్టీ నాయకులు మరియు కార్యకర్తలు ఆధ్వర్యంలో బుధవారం చెక్ పోస్ట్ సెంటర్లోని వైయస్సార్ విగ్రహం వద్ద వేలాది మంది కార్యకర్తల మధ్య ఘనంగా నిర్వహించారు. తొలుత మాజీ ముఖ్యమంత్రి, దివంగత నేత, విగ్రహానికి పూలమాలలు వేసి ఘనంగా నివాళులు అర్పించారు. అనంతరం భారీ కేక్ కట్ చేసి పార్టీ శ్రేణులకు శుభాకాంక్షలు తెలిపారు. ఈ సందర్భంగా నియోజకవర్గ వైయస్సార్ పార్టీ నాయకులు మీడియాతో మాట్లాడుతూ. వైయస్సార్ కాంగ్రెస్ పార్టీ స్థాపించి 14 సంవత్సరాలు పూర్తి చేసుకుని నేడు 15వ సంవత్సరంలోకి అడుగుపెడుతున్న నేపథ్యంలో అందరికీ శుభాకాంక్షలు తెలిపారు. 2029 సంవత్సరంలో వైఎస్ఆర్ కాంగ్రెస్ పార్టీకి పట్టం కట్టి తిరిగి వైయస్ జగన్మోహన్ రెడ్డిని ముఖ్యమంత్రిగా చేసుకోవాల్సిన బాధ్యత మనపై ఉందన్నారు. అధికార పార్టీ నాయకులు ఇచ్చిన ఏ ఒక్క హామీని కూడా నెరవేర్చిన పాపాన పోలేదన్నారు. అధికార పార్టీ నేతలు వైయస్సార్ కాంగ్రెస్ పార్టీ నాయకులను తిట్టటమే పనిగా పెట్టుకున్నారని విమర్శించారు. పరిపాలన వదిలేసి కక్షపూరిత రాజకీయాలు చేస్తున్నారని విమర్శించారు. ఇక నుండి నియోజకవర్గం లో వైఎస్ఆర్ కాంగ్రెస్ పార్టీ తరఫున జరిగిన ఏ కార్యక్రమంలో నైనా అందరిని సమాన గౌరవం ఉంటుందని ,ఏ కార్యకర్తకు అన్యాయం జరిగినా ఊరుకునే ప్రసక్తే ఉండదన్నారు. నియోజకవర్గంలో నియంతృత్వ పాలన ఇక చెల్లదని హెచ్చరించారు. ఇకపై ఎటువంటి పార్టీ కార్యక్రమాలు జరిగినా సమిష్టి చర్చ అనంతరం మాత్రమే జరుగుతాయన్నారు. నేటి రాజకీయంలో డబ్బుకే ప్రాధాన్యత ఇస్తున్నారని, డబ్బుతో అభిమానాన్ని ఉండలేరని అన్నారు. డబ్బు అవసరాలకు మాత్రమే పనికి వస్తుంది కానీ డబ్బుతో అన్ని కొనలేమన్నారు. అనంతరం భారీ ర్యాలీ నిర్వహించారు. చివరిగా అన్నసంతర్పణ కార్యక్రమాన్ని నిర్వహించారు. ఈ కార్యక్రమంలో చుండూరి వెంకటేశ్వర్లు, నక్క నాగిరెడ్డి, గోనుగుంట్ల హనుమయ్య, న్యాయవాది చింతలచెరువు వెంకి రెడ్డి, బుచ్చయ్య చౌదరి, గుండాల స్వెనోము, పొట్లపల్లి అవినాష్ రెడ్డి, నరాల శెట్టి శ్రీనివాసరావు, ఐరామూర్తి, దగ్గుపాటి మూర్తయ్య, జక్కిరెడ్డి సుబ్బారెడ్డి, బాబు, పొట్లపల్లి పిచ్చిరెడ్డి, పారా వెంకటేశ్వర్లు, నియోజకవర్గ నాయకులు, అభిమానులు, కార్యకర్తలు తదితరులు పాల్గొన్నారు.(Story : ఘనంగా నిర్వహించిన వైయస్ ఆర్ కాంగ్రెస్ పార్టీ ఆవిర్భావ దినోత్సవ వేడుకలు )
