సరికొత్త సైకో థ్రిల్లర్ గా “ఆర్టిస్ట్”

సరికొత్త సైకో థ్రిల్లర్ గా “ఆర్టిస్ట్”

న్యూస్‌తెలుగు/హైద‌రాబాద్ సినిమా: సంతోష్ కల్వచెర్ల, క్రిషేక పటేల్ జంటగా నటిస్తున్న సినిమా “ఆర్టిస్ట్”. ఈ సినిమాను ఎస్ జేకే ఎంటర్ టైన్ మెంట్ బ్యానర్ పై జేమ్స్ వాట్ కొమ్ము నిర్మిస్తున్నారు. రతన్ రిషి దర్శకత్వం వహిస్తున్నారు. “ఆర్టిస్ట్” మూవీ ఈ నెల 21న గ్రాండ్ థియేట్రికల్ రిలీజ్ కు రెడీ అవుతోంది. ఈ రోజు ఈ సినిమా ట్రైలర్ రిలీజ్ ఈవెంట్ ను హైదరాబాద్ లో ఘనంగా నిర్వహించారు. ఈ కార్యక్రమంలో

లిరిసిస్ట్ రాంబాబు గోసాల మాట్లాడుతూ – సురేష్ బొబ్బిలి గారి మ్యూజిక్ డైరెక్షన్ లో “ఆర్టిస్ట్” సినిమాలో అన్ని పాటలు రాసే అవకాశం రావడం సంతోషంగా ఉంది. ఇప్పటికే రెండు సాంగ్స్ చూస్తూ, చూస్తూ, ఓ ప్రేమా రిలీజ్ అయ్యాయి. ఈ రెండూ నా ఫేవరేట్ సాంగ్స్. డైరెక్టర్ రతన్ రిషి మూవీని బాగా రూపొందించాడు. సంతోష్ కల్వచెర్ల, క్రిషేక పర్ ఫార్మెన్స్ ఆకట్టుకుంటుంది. జేమ్స్ వాట్ కొమ్ము ప్యాషనేట్ గా ఈ మూవీ రూపొందించారు. అన్నారు.

నటి స్నేహ మాధురిశర్మ మాట్లాడుతూ – “ఆర్టిస్ట్” మూవీ ట్రైలర్ మీ అందరికీ నచ్చిందని ఆశిస్తున్నాం. ఈ సినిమాలో ఒక కీ రోల్ లో నటించాను. నా ఫిల్మోగ్రఫీలో ఈ సినిమా గుర్తుండిపోతుంది. ఈ అవకాశం ఇచ్చిన డైరెక్టర్ రతన్ రిషి గారికి థ్యాంక్స్. అన్నారు.

నటుడు వెంకీ మాట్లాడుతూ – “ఆర్టిస్ట్” సినిమాలో హీరో ఫ్రెండ్ రోల్ లో నటించాను. సినిమా మీ అందరికీ నచ్చేలా ఉంటుంది. హీరో హీరోయిన్స్ సంతోష్, క్రిషేక తమ పర్ ఫార్మెన్స్ తో ఆకట్టుకుంటారు. ఈ మూవీలో తాగుబోతు రమేష్ తో కలిసి నటించడం హ్యాపీగా ఉంది. అన్నారు.

ఎగ్జిక్యూటివ్ ప్రొడ్యూసర్ సురేష్ బసంత్ మాట్లాడుతూ – “ఆర్టిస్ట్” ట్రైలర్ లాంఛ్ చేసుకున్న సందర్భంగా మూవీ టీమ్ అందరికీ కంగ్రాట్స్ చెబుతున్నా. ట్రైలర్ చాలా బాగుంది. యూత్ ఫుల్ లవ్ ఎంటర్ టైనర్ లా మూవీ ఉండబోతోంది. ప్రొడ్యూసర్ జేమ్స్ వాట్ పట్టుదల గల వ్యక్తి. మంచి మూవీ చేశాడు. సాంగ్స్ హిట్ అయ్యాయి. సినిమా కూడా ప్రేక్షకుల ఆదరణ పొందాలని కోరుకుంటున్నా. అన్నారు.

మ్యూజిక్ డైరెక్టర్ సురేష్ బొబ్బిలి మాట్లాడుతూ – నేను ఈ బ్యానర్ లో చేస్తున్న రెండో మూవీ “ఆర్టిస్ట్”. అలాగే డైరెక్టర్ రతన్ రిషితో కూడా నాకు రెండో మూవీ ఇది. రతన్ రిషి చాలా కష్టపడి ఈ మూవీ చేశాడు. అన్నీ తానై ప్రాజెక్ట్ చూసుకున్నాడు. ప్రొడ్యూసర్ జేమ్స్ వాట్ గారికి ఇతర బిజినెస్ లు ఉన్నా, మూవీ మీద ప్యాషన్ తో ఇండస్ట్రీకి వచ్చారు. లీడ్ పెయిర్ సంతోష్, కిషేక బాగా నటించారు. సినిమాకు టీమ్ అంతా కష్టపడ్డాం. ఈ నెల 21న రిలీజ్ కు వస్తున్న మా మూవీ తప్పుకుండా సక్సెస్ అవుతుందని నమ్ముతున్నాం. అన్నారు.

నటుడు తాగుబోతు రమేష్ మాట్లాడుతూ – “ఆర్టిస్ట్” మూవీలో మంచి క్యారెక్టర్ చేశాను. ఈ అవకాశం ఇచ్చిన డైరెక్టర్ రతన్ రిషి గారికి థ్యాంక్స్. అలాగే హీరో సంతోష్ బయట మామూలుగా కనిపిస్తాడు గానీ కెమెరా ముందుకు వచ్చాక ఆయన పర్ ఫార్మెన్స్ చూసి సర్ ప్రైజ్ అయ్యాను. ప్రొడ్యూసర్ జేమ్స్ వాట్ గారు మూవీ మీద ప్యాషన్ తో ఈ సినిమా చేశారు. టైటిల్ కూడా ఆర్టిస్ట్ అని పెట్టారు. సురేష్ బొబ్బిలి బీజీఎం వన్ ఆఫ్ ది హైలైట్ అవుతుంది. సినిమా మేము చూశాం సూపర్బ్ గా వచ్చింది. మంచి డేట్ కు ఈ నెల 21న రిలీజ్ కు వస్తోంది. మీరంతా సపోర్ట్ చేస్తారని కోరుకుంటున్నా. అన్నారు.

హీరోయిన్ క్రిషేక పటేల్ మాట్లాడుతూ – “ఆర్టిస్ట్” మూవీ ట్రైలర్ మీ అందరికీ నచ్చిందని ఆశిస్తున్నా. ఈ సినిమాలో హీరోయిన్ గా నటించే అవకాశం ఇచ్చిన ప్రొడ్యూసర్ జేమ్స్ వాట్ గారికి, డైరెక్టర్ రిషి గారికి థ్యాంక్స్. జాను క్యారెక్టర్ లో మీ అందరినీ ఆకట్టుకుంటా. హీరో సంతోష్ తో కలిసి నటించడం హ్యపీగా ఉంది. చాలా సపోర్టివ్ కో యాక్టర్ తను. మూవీ కోసం మా టీమ్ అంతా చాలా కష్టపడ్డాం. మీ అందరికీ నచ్చేలా సినిమా చేశాం. తప్పకుండా థియేటర్స్ కు వెళ్లి “ఆర్టిస్ట్” సినిమా చూడాలని కోరుకుంటున్నా. అన్నారు.

ప్రొడ్యూసర్ జేమ్స్ వాట్ కొమ్ము మాట్లాడుతూ – ఒక ఫిల్మ్ చేసి రిలీజ్ కు తీసుకురావడం సులువైన విషయం కాదు. ఎంతోమంది కృషి దీని వెనక ఉంటుంది. మా  “ఆర్టిస్ట్” టీమ్ అంతా నాకు చాలా సపోర్ట్ చేశారు. నేను యూఎస్ నుంచి ఈ మూవీ కోసం ఎన్నోసార్లు ట్రావెల్ చేసి ఇక్కడికి వచ్చాను. కొత్త వాళ్లకు అవకాశాలు ఇచ్చి ప్రోత్సహించాలనేది నా కోరిక. అందుకే మా సంస్థలో న్యూ కమర్స్ తో మూవీస్ చేస్తున్నాం. ఇది మా సంస్థలో రెండో మూవీ. ఫ్యూచర్ లోనూ మూవీస్ చేస్తాం. డైరెక్టర్ రతన్ రిషి “ఆర్టిస్ట్” మూవీతో మంచి పేరు తెచ్చుకుంటాడు. అలాగే హీరో సంతోష్, హీరోయిన్ క్రిషేకకు కూడా పేరొస్తుంది. మా మూవీ సాంగ్స్ టీ సిరీస్ ద్వారా రిలీజై ఆదరణ పొందుతున్నాయి. మైత్రీ మూవీ డిస్ట్రిబ్యూటర్స్ ద్వారా ఈ నెల 21న మా మూవీని రిలీజ్ చేస్తున్నాం. వాళ్లకు సినిమా నచ్చి రిలీజ్ చేస్తామని చెప్పడం సంతోషంగా ఉంది. సొసైటీకి కావాల్సిన మంచి కంటెంట్ తో సినిమా చేశాం. ఈ నెల 21న థియేటర్స్ లో “ఆర్టిస్ట్” సినిమా చూసి సపోర్ట్ చేయండి. అన్నారు.

హీరో సంతోష్ కల్వచెర్ల మాట్లాడుతూ – “ఆర్టిస్ట్” మూవీ ట్రైలర్ లాంఛ్ కు వచ్చిన మీ అందరికీ థ్యాంక్స్. ఒక మంచి కాన్సెప్ట్ తో ఈ మూవీని రూపొందించారు మా డైరెక్టర్. సొసైటీలో ఉన్న ఒక ప్రాబ్లమ్ ను చూపించాడు. ఆ సమస్య పాతదే అయినా కథ, కథనాలు కొత్తగా ఉంటాయి. సినిమా చూశాను. ఆ కాన్ఫిడెన్స్ తో చెబుతున్నా. “ఆర్టిస్ట్” సినిమా చూశాక ఎవరూ రొటీన్ గా ఉందని అనరు. స్క్రీన్ ప్లే కొత్తగా ఉందని అంటారు. మా డైరెక్టర్ సజెస్ట్ చేసినట్లు నటించాను. ఆయన ఈ మూవీ కోసం ఎంతో కష్టపడ్డాడు. అలాగే మా ప్రొడ్యూసర్ గారికి కొత్త వాళ్లను ఎంకరేజ్ చేయాలనేది ప్యాషన్. ఆయన ఈ బ్యానర్ లో మరిన్ని మూవీస్ చేయాలని కోరుకుంటున్నా. ఈ చిత్రంలో తనికెళ్ల భరణి, వినయ్ వర్మ లాంటి వాళ్లతో కలిసి వర్క్ చేయడం సంతోషంగా ఉంది. మా టీమ్ అంతా సినిమా కోసం ఎంతో కష్టపడ్డారు. ఈ నెల 21న థియేటర్స్ లో “ఆర్టిస్ట్” చూసి మీ రెస్పాన్స్ తెలియజేస్తారని కోరుకుంటున్నా. అన్నారు.

డైరెక్టర్ రతన్ రిషి మాట్లాడుతూ – “ఆర్టిస్ట్” మూవీ ట్రైలర్ మీ అందరికీ నచ్చిందని ఆశిస్తున్నాం. ఇదొక సైకో థ్రిల్లర్ మూవీ. ఇందులో సస్పెన్స్, భయం, కామెడీ, రొమాన్స్ వంటి అన్ని అంశాలుంటాయి. ఒక ఎమోషన్ మీద కథ వెళ్తుంటుంది. సినిమా చివరి 20 నిమిషాలు హై ఉంటుంది. చివరకు ఒక మంచి ఫీల్ తో ప్రేక్షకులు థియేటర్స్ నుంచి బయటకు వెళ్తారు. కథలోని ఎమోషన్ కు తగినట్లే సురేష్ బొబ్బిలి ఒక కొత్త బ్యాక్ గ్రౌండ్ మ్యూజిక్ చేశారు. ట్రైలర్ లో వయలెన్స్ ఎక్కువగా ఉందని మీకు అనిపించవచ్చు. మూవీలో ఇంత వయలెన్స్ లేదని మా టీమ్ అన్నారు. సైకో థ్రిల్లర్స్ అంటే హత్య జరిగిన తర్వాత కిల్లర్ ఎవరనేది వెతుక్కుంటూ కథ సాగుతుంది. కానీ మా మూవీలో విలన్ ఎవరో చెప్పే మిమ్మల్ని భయపెట్టే ప్రయత్నం చేశాం.  కథ మీద అంత నమ్మకంతో సినిమా చేశా. నాకు ప్యాషనేట్ టీమ్ దొరికారు.  హీరో హీరోయిన్స్ ప్రొడ్యూసర్ దగ్గర నుంచి ప్రతి ఒక్కరూ మూవీ కోసం కష్టపడ్డారు. మీరంతా ఈ నెల 21న థియేటర్స్ లో మా “ఆర్టిస్ట్” మూవీ చూస్తారని కోరుకుంటున్నా. అన్నారు.

నటీనటులు – సంతోష్ కల్వచెర్ల, క్రిషేక పటేల్, సత్యం రాజేశ్, ప్రభాకర్, వినయ్ వర్మ, తనికెళ్ల భరణి, భద్రమ్, తాగుబోతు రమేష్, సుదర్శన్. పి. కిరీటీ, వెంకీ మంకీ, సోనియా ఆకుల, స్నేహ, మాధురి శర్మ, తదితరులు

టెక్నికల్ టీమ్

ఎడిటర్ – ఆర్ఎం విశ్వనాథ్ కుచనపల్లి
సినిమాటోగ్రఫీ – చందూ ఏజే
మ్యూజిక్ – సురేష్ బొబ్బిలి
సౌండ్ డిజైన్ – సాయి మనీధర్ రెడ్డి
ఆర్ట్ – రవిబాబు దొండపాటి
ఫైట్ మైస్టర్ – దేవరాజు
ఎగ్జిక్యూటివ్ ప్రొడ్యూసర్ – సురేష్ బసంత్
ప్రొడక్షన్ కంట్రోలర్ – వాల్మీకి
లైన్ ప్రొడ్యూసర్ – కుమార్ రాజా
పీఆర్ఓ – జీ ఎస్ కే మీడియా (సురేష్ – శ్రీనివాస్)
డిజిటల్ – సినిమా క్రానికల్
ప్రొడ్యూసర్ – జేమ్స్ వాట్ కొమ్ము
స్టోరీ, డైరెక్షన్ – రతన్ రిషి (Story : సరికొత్త సైకో థ్రిల్లర్ గా “ఆర్టిస్ట్”)