మార్చి 6వ తేదీ నుంచి ఆహా ఓటీటీలో “చెఫ్ మంత్ర ప్రాజెక్ట్ K”
న్యూస్‌తెలుగు/ హైద‌రాబాద్ సినిమా:
ఆహా ఓటీటీ మరో ఎగ్జైటింగ్ ప్రోగ్రాంను ప్రేక్షకుల ముందుకు తీసుకొస్తోంది. సుమ కనకాల హోస్ట్ గా వ్యవహరిస్తున్న “చెఫ్ మంత్ర ప్రాజెక్ట్ K” మార్చి 6వ తేదీ నుంచి ప్రతి గురువారం రాత్రి 7 గంటలకు ఆహాలో స్ట్రీమింగ్ కు రానుంది. చెఫ్ మంత్ర సీజన్ 1 టేస్టీ ఎంటర్ టైన్ మెంట్ ను ఈ సీజన్ 2 మరింతగా అందించనుంది. ప్రాజెక్ట్ కె అంటే ఏంటి అనేది ప్రేక్షకుల్లో క్యూరియాసిటీ క్రియేట్ చేస్తోంది. సుమతో పాటు నటుడు జీవన్ కుమార్ చెఫ్ మంత్ర ప్రాజెక్ట్ కెలో తనవంతు వినోదాన్ని జోడించనున్నారు.
అమర్ దీప్-అర్జున్, దీపికా రంగరాజు-సమీరా భరద్వాజ్, సుప్రిత-యాదమ్మ రాజు, ప్రషు-ధరణి మరియు విష్ణుప్రియా-పృథ్వీ జోడీ రుచికరమైన వంటకాలు ప్రేక్షకులకు పరిచయం చేయబోతున్నారు. తెలుగింటి వంటలతో పాటు సర్ ప్రైజ్ చేసే క్రియేటివ్ వంటకాలు ప్రతి ఎపిసోడ్ లో చెఫ్ మంత్ర ప్రాజెక్ట్ కె అందించనుంది. ఈ సీజన్ ప్రోమో ఇప్పటికే రిలీజై సోషల్ మీడియాలో ట్రెండ్ అవుతోంది. ఈ సందర్భంగా
ఆహా కంటెంట్ హెడ్ వాసుదేవ్ కొప్పినేని మాట్లాడుతూ – ఆహా ఐదేళ్ల యానివర్సరీ జరుపుకుంటున్న 2025 మాకు ఎంతో ప్రత్యేకమైనది. ప్రేక్షకులకు ఎప్పటికప్పుడు ఎగ్జైటింగ్ కంటెంట్ అందించేందుకు ప్రయత్నిస్తున్నాం. చెఫ్ మంత్ర ప్రాజెక్ట్ కె సీజన్ 2 ఆ ప్రయత్నంలో భాగమే. పది మంది కంటెస్టెంట్స్ పరిచయం చేసే వంటకాలు, నవ్వించే సుమ హోస్టింగ్, జీవన్ కుమార్ ఫన్ ప్రేక్షకులకు రుచికరమైన వంటలతో పాటు కావాల్సినంత వినోదాన్ని అందించబోతున్నాయి. అన్నారు. (Story : మార్చి 6వ తేదీ నుంచి ఆహా ఓటీటీలో “చెఫ్ మంత్ర ప్రాజెక్ట్ K”)
