వచ్చే నెల 8న టిటిడి లో భగవద్గీత పోటీలు

న్యూస్‌తెలుగు/ విజయనగరం : తిరుమల తిరుపతి దేవస్థానములు, హిందూ ధర్మ ప్రచార పరిషత్ ఉమ్మడి విజయనగరం జిల్లా శాఖ ఆధ్వర్యంలో విద్యార్థిని, విద్యార్థులకు ఈనెల 8న భగవద్గీత లోని 6వ అధ్యాయం (ఆత్మ సంయమయోగం) ధ్యాన యోగం నుండి పోటీలు నిర్వహిస్తునట్లు హిందూ ధర్మ ప్రచార పరిషత్ ప్రోగ్రాం అసిస్టెంట్ జె.శ్యామ్ సుందర్ తెలిపారు.బుధవారం టిటిడి ప్రాంగణంలో ఈమేరకు టిటిడి అర్చకులు పిల్లి.నరసింహాచార్యులు, అమ్మానాన్న సేవాసంస్థ కార్యదర్శి జి.తిరుపతిరావు, స్వచ్ఛంద సేవకులు రాజు తో కలిసి కరపత్రాలు ఆవిష్కరించారు.ఈసందర్భంగా ప్రోగ్రాం అసిస్టెంట్ శ్యాం సుందర్ మాట్లాడుతూ ఆరోజు నిర్వహించు పోటీలు 6,7,8,9తరగతులవారికి,18ఏళ్ళలోపువారికి ఒక విభాగం, 18ఏళ్ళుపైబడినవారికి ఒక విభాగం లోను జరుగుతాయని తెలిపారు. ఈ పోటీలు డిసెంబర్ 8నవిజయనగరం టిటిడి కళ్యాణ మంటపం లో, డిసెంబర్ 7న పార్వతీపురం మన్యం జిల్లా కొమరాడ మండలం కోటిపాం జిల్లాపరిషత్ ఉన్నత పాఠశాల లో మధ్యాహ్నం 2గంటలకు నిర్వహిస్తున్నట్లు తెలిపారు (Story : వచ్చే నెల 8న టిటిడి లో భగవద్గీత పోటీలు)