పురాతన ఆలయాలను ఉపయోగం లోనికి తీసుకొని రావాలి
జాకారం లోని శివాలయాన్ని పరిశీలించిన జిల్లా కలెక్టర్ ది వాకర టి. ఎస్.
న్యూస్ తెలుగు /ములుగు జిల్లా బ్యూరో (వై. లకుమయ్య ) : పురాతన శివాలయాన్ని ఉపయోగం లోనికి తీసుకొని రావాలని ములుగు జిల్లా కలెక్టర్ దివాకర టి. ఎస్. అధికారులను ఆదేశించారు. గురువారం ములుగు మండలం జాకారం లోని శివాలయాన్ని జిల్లా కలెక్టర్ దివాకర టి. ఎస్. పరిశీలించారు.ఈ సందర్భంగా కలెక్టర్ మాట్లాడుతూ ఆలయం చుట్టు ప్రక్కల ఉన్న పిచ్చి మొక్కలను తొలగించాలని, పంచాయితి శాఖ అధికారులను ఆదేశించారు. ఆలయం స్థల హద్దులను గుర్తించి పూర్తి వివరాలను సమర్పించాలని రెవిన్యూ అధికారులను సూచించారు. గుడిని అభివృద్ధి చేయుటకు పురవస్తు శాఖ అధికారులు ప్రతిపాదనలు సమర్పించాలని కలెక్టర్ సూచించారు. ఈ కార్యక్రమంలో సంబంధిత అధికారులు, తదితరులు పాల్గొన్నారు. (Story : పురాతన ఆలయాలను ఉపయోగం లోనికి తీసుకొని రావాలి)
