దేవర సినిమా ఫ్యాన్ షోలో అపశృతి
న్యూస్ తెలుగు /కడప జిల్లా : కడప జిల్లాలో దేవర సినిమా ఫ్యాన్స్ షో లో ఈరోజు అపశృతి చోటుచే సుకుంది కడప జిల్లా కేంద్రంలోని రాజా థియేటర్లో జరిగిన ఘర్షణ అనంతరం జూనియర్ ఎన్టీఆర్ అభిమాని మస్తాన్ మృతి చెందారు.జూనియర్ ఎన్టీఆర్ అభిమానుల కోసం కడప రాజా థియేటర్లో ఫ్యాన్స్ షో వేశారు. పెద్ద సంఖ్యలో థియేటర్‌కి చొచ్చుకు పోయారు ఫ్యాన్స్. ఎన్టీఆర్ అభిమానులను కట్టడి చేసేందుకు థియేటర్ యాజమాన్యం ప్రయత్నించింది.దీంతో థియేటర్ యాజ మాన్యంపై ఎన్టీఆర్ అభిమానులు దాడికి దిగారు. ఘర్షణలో జూనియర్ ఎన్టీఆర్ అభిమాని మస్తాన్‌కి తీవ్రగాయాలు అయ్యాయి. పోలీసులు రంగ ప్రవేశం చేసి ఇరువర్గాలను చెదరగొట్టారు.గొడవ అనంతరం ఇంటికి వెళ్లిన మస్తాన్… కాసేపటికి మృతిచెందాడు. మస్తాన్‌ది చింతకొమ్మదిన్నె మండలం జమాల్‌పల్లికి చెందిన వ్యక్తిగా పోలీసులు గుర్తించారు.(Story:దేవర సినిమా ఫ్యాన్ షోలో అపశృతి)
