అట్టహాసంగా పరిటాల శ్రీరామ్ జన్మదిన వేడుకలు
న్యూస్తెలుగు/ ధర్మవరం (శ్రీ సత్య సాయి జిల్లా) : ధర్మవరం నియోజకవర్గ ఇన్చార్జ్ పరిటాల శ్రీరామ్ జన్మదిన వేడుకలు అట్టహాసంగా జరిగాయి. ఈ సందర్భంగా పట్టణంలోని గాంధీ నగర్ లో గల పార్టీ కార్యాలయం వద్ద టీడీపీ శ్రేణులు కేక్ కట్ చేసి శుభాకాంక్షలు తెలిపారు. అదేవిధంగా ప్రభుత్వ ఆసుపత్రిలో రోగులకు పండ్లు, బ్రెడ్లు పంపిణీ కూడా చేశారు. పట్టణంలో వాడవాడలా పండుగల టిడిపి నాయకులు ఘనంగా శ్రీరామ్ జన్మదిన వేడుకలు నిర్వహించుకొని తమ సంతోషాన్ని తెలిపారు. తొలుత పరిటాల శ్రీరామ్ పేరిట ప్రత్యేక పూజలను ఆలయాల్లో నిర్వహించారు. తదుపరి టిడిపి శ్రేణులు పట్టణంలో పలు కూడలిలో ర్యాలీగా ఎన్టీఆర్ సర్కిల్ కి వరకు నిర్వహించారు. అక్కడే గల ఎన్టీఆర్ విగ్రహానికి పూలమాలవేసి నివాళులు అర్పించారు. మధ్యాహ్నం లక్ష్మీ చెన్నకేశవపురం కదిరి గేటు ప్రభుత్వ ఆసుపత్రి ఆర్టీసీ బస్టాండ్ ప్రాంతాలలో పెద్ద ఎత్తున అన్నదాన కార్యక్రమాలను నిర్వహించారు. పట్టణములో ఎటుచూచిన ఫ్లెక్సీలు వెలిశాయి. ప్రతి ఒక్కరూ పరిటాల శ్రీరామ్ ఎడల తమ అభిమానాన్ని చాటుకున్నారు. ఈ కార్యక్రమంలో టిడిపి నాయకులు కమతం కాటమయ్య పరీసే సుధాకర్, పని కుమార్, పురుషోత్తం గౌడ్, సంద రాఘవ, భీమనేని ప్రసాద్ నాయుడు, నాగురు హుస్సేన్, రాళ్లపల్లి షరీఫ్, జింకా పురుషోత్తం, మాధవరెడ్డి, షీలా మూర్తి, తలారి చంద్రమోహన్ బాబు ,మాదన సుబ్బయ్య తదితరులు పాల్గొన్నారు.(Story : అట్టహాసంగా పరిటాల శ్రీరామ్ జన్మదిన వేడుకలు)
